ل کەمپا جەم مشکو چار خێڤەتێن ئاواران ھاتنە سووتن
باسنيوز:
بەرپرسێ راگەھاندنێ رێڤەبەریا بەرەڤانیا باژێری ل پارێزگەھا دھۆکێ دیارکر:” ئەڤرۆ ئاگربەربوویە خێڤەتیێن کەمپا جەم مشکو یا ئاواران دئەنجامدا ژی چار خێڤەتیێن ئاواران دگەل کەل وپەلێن وان ھاتینە سووتن.
بیوار عبدالعزیز، بەرپرسێ راگەھاندنێ رێڤەبەریا بەرەڤانیا باژێری ل پارێزگەھا دھۆکێ بۆ (باسنیوز) دیارکر: ” ئەڤرۆ 1/6/2018 ل دەمژمیر دوو پشتی نێڤرۆ ئاگربەربوویە خێڤەتیێن ئاواران ل کەمپا جەم مشکو ل قەزا زاخۆ دەمێ ترۆمبێلا ئاگرڤەمراندنێ چوو ناڤ کەمپێ داب ۆ کونترول کرنا ئاگری ب مخابنی ڤە ھندەک کەسان ھیرشی سەر وان کریە دئەنجامدا ب بەران سەری پولیسەکێ مە ھاتیە شکاندن وپولیسەکێ دێ ژی برینداربوویە وجامێ ترۆمبێلا ئاگرڤەمراندنی ژی یێ ھاتیە شکاندن”.
سالم سەعید بەرپرسێ راگەھاندنێ ل بۆردی کاروبارێن مرۆڤایەتی ل پارێزگەھا دھۆکێ بۆ(باسنیوز) دیارکر: “ژ ئەگەری شورتەکێ کارەبی چار خێڤەتیێن ئاواران ھاتینە سووتن و کەسەک ژی ب ناڤێ ( رەشید میرزا) ب گرانی برینداربوویە ژبەر سووتنی بۆ نەخۆشخانا دھۆک یێ ھاتیە رەوانەکرن”.
خۆیا ژی کر:” بۆردی کاروبارێن مرۆڤایەتی دێ ھەموو زیانڤیکەڤتیان قەرەبوو بکەت چار خێڤەت ب تەمامێ یێن ھاتینە سووتن و خێڤەتەک ژی نەھاتیە سووتن لێ زیان یێن گەھشتینی”.
تُتاح هذه الصورة أيضا في: کوردی