ئاوارێن كەمپا قادیا داخوازا خزمەتكاریان دكن
تۆرا لالش یا راگەهاندنێ/زیاد شەمدین
ئاوارێن كەمپا قادیا سەر ب قەزا زاخۆ ڤە،داخوازا دابینكرنا خزمەتكاریێن زێدەتر بۆ خەلكێ كەمپێ دكن.
لدۆر ڤێ چەندێ(ریحان)ئاوارەیەكا كەمپا قادیایە دبێژت:رەوشا خەلكێ كەمپێ ژلایێ خزمەتكاریان ڤە نە یا باشە و تارادەیەكی دلاوازن،ئەم داخوازێ ژ جیێن پەیوەندیدار دكەین خزمەتكاریان ب تایبەت وەك ئاڤ و كارەبێ باشتر لێ بكن و خەلك دڤی وەرزێ گەرمێ دا زۆر د پێتڤی نە.
ژبال خۆڤە ئاوارە(عەزیز دەخیل) خویاركر،ل كەمپێ ژمارەكا زۆرا ئاواران تێدا دژین و رێكخراو وەكو بەرێ هاریكاریان پێشكێش ناكن و ڤێ چەندێ كاریگەری ل ژیانا ئاواران كریە،داخوازا مە یا سەرەكی ئەوە خزمەتكاری بۆ كەمپێ باشتر لێ بێن ب تایبەت ژی كارەبا نشتیمانی و كەلوپەلێن ساخلەمیێ بۆ مە بێنە دابینكرن.
تُتاح هذه الصورة أيضا في: کوردی