ئاوارەبوون 71% ئەگەرێ زێدەبوونا دیاردا هەڤژینیا پێشوەختە دجڤاكێ ئێزدیان دا
تۆرا لالش یا راگەهاندنێ
پشتی زێدەبوونا دیاردا هەڤژینیا پێشوەخت دناڤ جڤاكێ ئێزدیان دا،دوو ڤەكۆلەرێن ئێزدی رابوون ب چێكرنا ڤەكۆلین و خووندنەكێ لسەر ڤێ چەندێ و دئەنجام دا (71%) ژ جڤاكی دبینن كو ئاوارەبوون ئەگەرێ زێدەبوونا هەڤژینیێ یە.
ڤەكۆلەرێ ئێزدی(مەحمود ئەلبرغشی) بۆ رۆژناما دەنگێ لالش ئاشكەراكر،پشتی ئەنجام دانا ڤەكۆلین و خووندەنەكێ لسەر ئەگەرێن هەڤژینیا پێشوەخت و بەردانێ و فرەژنی ل كەمپان و ژ دەرڤەی كەمپان ل ناڤ جڤاكێ ئێزدی دا،ب رێژا(71%)ژ جڤاكی دبینن ئاوارەبوون بوویە ئەگەرێ زێدەبوونا دیاردا هەڤژینیا پێشوەخت و (88%) یا گەنجان ژ كچ و كوران ژبەر هەڤژینیێ دەست ژ خووندنا خۆ بەردایە و (83%) ژ جڤاكی وەسان دبینن كو كچا سنێلە نكارت كاروبارێن هەڤژینیێ ب رێڤەببەت،ڤەكۆلینێ دووپاتكریە كو (90%) ژ حالەتێن دەروونی ئەگەرێ ڤی جۆرێ هەڤژینیێ یە و (67%)ژ جڤاكی دگەل دانە تەمەنێ گونجای بۆ هەڤژینیێ دناڤبەرا(20_25)سالیێ دا بت و (74%) هەڤژینیا پێش وەخت و بەردانێ گرێدانەك پێكڤە هەیە و گۆت:(( بۆ ماوێ چەند هەیڤان كاری لسەر ڤێ ڤەكۆلینێ ژلایێ وی و ڤەكۆلەر هادی سەعدۆ ڤە هاتیە كرن و هەموو دەڤەرێن ئێزدیان بەری ئاوارەبوونێ و پشتی ئاوارەبوونێ بخۆڤە گرت)).
دووپاتكر ژی ئارمانج ژ ڤەكۆلینێ زانینا ئەگەرێن زێدەبوونا هەڤژینیا پێشوەخت و چاوانیا كێمبوون و چێكرنا ڤەكۆلینان لسەر ڤێ دیاردێ دناڤ جڤاكی دایە،زێدەباری هشیاركرنا جڤاكی و كاریگەریا هەڤژینیێ و هاندانا گەنجان بۆ كێمبوونا وێ یە ،هەروەسا چەندین رێنما لدۆر ڤێ دیاردێ دڤەكۆلینێ دا هاتینە پێشكێشكرن.
تُتاح هذه الصورة أيضا في: کوردی