قاسم شەشۆ: کوردێن ئێزدی و کوردستانێ پێتڤى ب کەسێن ئەمین و دلسۆز هەیە
باسنيوز:
کەسایەتییەکی کوردی ئێزدی لە قەزای شنگال ئاشکرای دەکات، دەستنیشانکردنی مەسرور بارزانی بۆ سەرۆکایەتیی حکوومەتی هەرێمی کوردستان، بووەتە هۆی گەشبینیی کوردانی ئێزدی و بەتایبەتی خەڵکی لێقەوماوی شنگال.
قاسم شەشۆ، فەرماندەی پێشمەرگەی کوردستان و کەسایەتیی کوردی ئێزدی بە (باسنیوز)ی ڕاگەیاند: “بە دەستنیشانکردنی مەسرور بارزانی بۆ سەرۆکایەتیی هەرێمی کوردستان، کوردی ئێزدی گەلێک شادمان بوون و ئێمە هیوادارین ئەمە ببێتە دەرچەیەک کە کوردی ئێزدی لە چوارچێوەی هەرێمی کوردستاندا بگەنە مافە ڕەواکانی خۆیان”.
ئاماژەی بەوەش کردووە: “هاوکات دەستنیشانکردنی نێچیرڤان بارزانی بۆ سەرۆکایەتیی هەرێمی کوردستان، لەلایەن سەرکردایەتیی پارتییەوە، جێگەی شانازی و سەبەرزییە و ئێمەی کوردیی ئێزدیی دڵخۆش کرد، چونکە ئەگەر کوردستان لە دەستی کەسانی ئەمیندا بێت، هیچ ترسێک لە گۆڕێدا نابێ”.
قاسم شەشۆ گوتیشی: “هەروەک پێشوو ئێمە هیوادارین کە دەستنیشانکردنی نێچیرڤان بارزانی و مەسرور بارزانی بۆ ئەو دوو پۆستە گرنگە ببێتە دەرچەیەک بۆ گەیشتنی کوردانی ئێزدی بە مافە ڕەواکانیان لە کوردستاندا و هیوادارین گرنگی بە شنگال بدەن، چونکە شنگال پێویستیی بەوانە”.
ئەو کەسایەتییە ئێزدییە ڕاشی گەیاند: “هەر بەم بۆنەوە ئێمە وەکوو فەرماندەیی شنگال و کۆمەلگەی ئێزدی پیرۆزبایی پیرۆزبایی لە خەڵک و سەرکردایەتیی پارتی دەکەین، چونکە هەر کاتێک کوردستان پێویستیی بە پارتی بێت، دەستبەجێ پارتی دێتە سەر خەت و هەنگاوی باشتر و قورس و قایمتر هەڵدەگرێت، کە گرنگترین هەنگاو ڕیفراندۆمی سەربەخۆیی بوو، چونکە پارتی خاوەنی شۆڕشەکانی ئەیلوول و گوڵانە و هەردەم پارتی لە خزمەتی ئێمەدا بووە”.
تُتاح هذه الصورة أيضا في: کوردی