بنگەهێ لالش:ب ڤەگەریانا پێشمەرگەی رەوشا شنگالێ دێ ئاسایی ببت
تۆرا لالش یا راگەهاندنێ
بەرپرسێ بنگەهێ لالش تایێ شنگالێ دیاركر،كو ب ڤەگەریانا هێزێن پێشمەرگەی بۆ شنگالێ دێ رەوش ئاسایی ببت و خەلك ڤەگەرتە سەر مال و حالێ خۆڤە.
بەرپرسێ بنگەهێ لالش تایێ شنگال(خشۆ میرزا)بۆ رۆژناما دەنگێ لالش خویاكر،چەندین لایەن و گرۆپێن نەنیاس نهۆ ل شنگال هەنە و نزانین بسەر كێ ڤەنە،ئەم دگەل هندێ داینە هێزێن پێشمەرگەی ڤەگەرنە شنگال ڤە چنكو دێ رەوش ئاسایی ببت و ئێمناهی و تەناهی بەرقرار بت و جارەكا دی خەلك دێ دەست ب ڤەگەریانێ بۆ سەر مال و حالێ خۆ كەتە ڤە،ژبەركو ئەو دزانن تنێ پێشمەرگە دێ وان پارێزت.
خشۆ تەكەزكر ژی خەلكێ شنگالێ ژ رەفتارێن لایەن و گرۆپێن ل شنگال بێزاربووینە،لەوا هەردەم داخوازا وان ژی ئەوە ب زووترین دەم پێشمەرگە ڤەگەرتە ڤە داكو وەك بەرێ دەست ب ژیانا خۆ بكەنە ڤە.
تُتاح هذه الصورة أيضا في: کوردی