کۆچۆ.. قۆناغا 3یێ یا ھلدانا گۆڕێن ب کۆم ب داوی ھات
WAAR-دهۆك:
قۆناغا 3یێ یا ھلدانا گۆرێن ب کۆم ل گوندێ کۆچو سەر ب دەڤەردارییا شنگالێ ڤە ب داوی ھات و 94 رۆفات ژێ ھاتن دەرخستن.
زیا کەریم، رێڤەبەرێ گۆڕێن ب کۆم ل دەستەیا شەھیدان بۆ وار راگەھاند؛ تیمێ نشتیمانی یێ ھلدانا گۆڕێن ب کۆم ب نوونەراتییا رێڤەبەرییا گۆڕێن ب کۆم و بزیشکییا داد ل وەزارەتا ساخلەمیێ و کارمەندێن وەزارەتا شەھید و ئەنفالکرییان یا حکومەتا ھەرێمێ، قۆناغا سیێ یا ھلدانا گۆڕێ، ب کۆم ل گوندێ کۆچۆ ب داوی ئینایە و رۆفاتێن 94 کەسان ھاتینە دەرخستن.
زیا کەریم ئاشکرا کر، قۆناغا 3یێ 21 رۆژا بەردەوام بوو و لژنا ناڤدەولەتی یا کاروبارێن بەرزەبوویان پشتەڤانییەکا مەزن د ھەرسێ قۆناغێن بۆری دا ل تیمێ وان کرییە.
ژ ئالییێ خوەڤە دکتۆر زەید عەلی، رێڤەبەرێ گشتییێ تاقیگەھێن بزیشکییا داد راگەھاند؛ سەرەرای ھەموو ئاستەنگ و نەبوونا پشتەڤانییا ناڤدەولەتی، کارێ وان بۆ نیاسینا رۆفاتێن د وان گۆڕێن ب کۆم دا بەردەوامە.
تُتاح هذه الصورة أيضا في: کوردی