ل شنگال بزاڤێن ڤەكرنا گۆرێن تاكەكەسی دئێنە دان
باسنيوز:
سەرۆكێ جڤاتا پارێزگەها مووسل دیاركركو خەلكێ شنگال داخاز كرینە هەموو گۆرێن تاكە كەسی دگەل گۆرێن بكۆم لشنگال بهێنە ڤەكرن كو ب دەهان گۆرێن تاكە كەسی ل شنگال هاتینە دیتن. ئەم هەولا ڤەكرنا وان دكەین.
سەیدۆ چەتۆ، سەرۆكێ جڤاتا پارێزگەها مووسل بۆ (باسنیوز) دیار كر: “ب هەڤكاری دگەل حكومەتا هەرێما كوردستانێ ئەم هەولا ڤەكرنا هەموو گۆرێن بكۆم و تاكە كەسی ل شنگال دەن. مە بزاڤكریە دگەل حكومەتا بەغدا ب هەڤكاری دگەل حكومەتا هەرێما كوردستانێ كۆ ئەو گۆرێن بكۆمەل یێن دەڤەرا شەنگال بهێنە ڤەكرن ژبەر كو ئەڤە پێنج سال ب سەر جینۆسایدا شنگال ڤە چوون هەتا نۆكە ئەو گۆرێن تاكە كەسی نەهاتینە ڤەكرن و خەلكێ شنگال بەردەوام داخوازێ ژ جڤاتا مووسل دكەن بۆ ڤەكرنا هەموو گۆرێن ل شنگال ژلایێ تیرۆرستێن داعش ڤە هاتینە چێكرن. نۆكە ئەم هەولا ڤەكرنا وان دكەن”.
خویا ژی كر: “رۆژانە خەلكێ شنگال داخازێ ژمە دكەت بۆ ڤەكرنا وان گۆرا ژبەركۆ ئەڤە پێنج سالە خەلكەك چاڤەرێ روفاتێن كەس و كارێن خوە دكەن. ل دووڤ ئاماران هەتا 80 گۆرێن ب كۆم هاتینە دیتن دگەل دەهان گۆرێن تاكە كەسی. هەتا نۆكە بتنێ 16 گۆرێن بكۆم هاتینە ڤەكرن 235روفات یێن ژناڤ هاتینە دەرئێخستن هەموو بۆ نۆشداریا داد ل بەغدا هاتینە رەوانەكرن”.
تُتاح هذه الصورة أيضا في: کوردی