بنگەهێ لالش بیرهاتنێن رادیۆیەکا کوردی ل بیردئینت
تۆارلالش يا راگههاندنێ
هێڤاريا ئيرۆ 14/11/2019ێ و ب مەرەما ئاشناکرنا نەڤیێن نوو دگەل سەردەمێ بۆری بنگەهێ لالش تایێ باعەدرێ ب هەڤکاری دگەل گرۆپێ رەوشەنبیری و جڤاکی ل دهۆکێ رابوون ب ئامادەکرنا سمینارەکێ بۆ بەڕێز (جهمال بەرواری) وەک پێشکێشکەرێ رادیۆیا کوردی ل بەغدا ل دۆر بابەتێ (ئێکەم رادیۆیا کوردی ل بەغدا) ل بارەگایێ بنگەهێ لالش تایێ باعەدرێ ب ئامادەبوونا نوێنەرێن دام و دەزگەهێن میری و حکومی و جەماوەری ل باعەدرێ و دەڤەرێ و بنگەهێ لالش شێخان و سەنتەرێ رەوشەنبیری شێخان و ئەنجومەنێ ئافرەتان ل باعەدرێ و رەوشەنبیر وموختار و کەسایەتی و تەخێن جڤاکی یێن جودا جودا ژ ئافرەت و قوتابی و لاو و گەنج و حژێکەرێن جیهانا ئەدەبیات و راگەهاندنا کوردی و ئەندامێن گروپێ ناڤبری و دەستەیا بنگەهێ لالش باعەدرێ.
سمینارا ناڤبری ب خێرهاتنا تەڤایا ئامادەبوویان و سمینار بێژی دەستپێکر ژبال بەرپرسێ بنگەهێ لالش تایێ باعەدرێ بەڕێز (خلات باعەدری)، پاشی سمینار بێژی تیشک ئێخستە سەر کورتیەکا ژیانا خۆ و بزاڤ و کار چالاکیێن پێ رابووی.
لدیڤ دا رۆناهی ئێخستە سەر دیرۆکا ڤێ رادیۆیا کوردی و قۆناغێن تێرا دەرباز بووی و گرنگترین ویستگەهێن وێ یێن خەباتا ئەدەب و هۆنەر و ژیانا جڤاکێ کوردی ل سالێن زەحمەت و دژواردا، زێدەباری بەحسکرنا رۆلێ رادیۆیا ناڤبری د ڤەژینا کەلتۆرێ کوردی د درێژاهیا حەفتی سالێن خزمەت و ئاشکراکرنا چەندین زانیاری و و هەلویستێن بالکێش بۆ تەڤایا ئامادەبوویان ل کار و خەباتا وێ رادیۆیێ.
پاشی دان و ستاندنەکا گەرم لدۆر بابەتی هاتە کرن ژبال ئامادەبوویان و سمینار بێژی و ل دۆر ناڤەرۆکا ڤێ هێڤاریا رەوشەنبیری کو ببوە جهێ خۆشحالیا تەڤایا ئامادەبوویان.
ل داویێ ژی چەند پەرتۆکێن جۆراو جۆر یێن نڤیسەرێن گرۆبی ژبال نڤیسەرێن پەرتۆکا هاتنە پار ڤەکرن بسەر هندەک ژ بەرێزن ئامادەبووی.
تُتاح هذه الصورة أيضا في: کوردی