بنگههێ لالش: خەلك نكارن بچنه شنگال بۆ گێرانا رێورهسمێن جهژنا رۆژیێن ئێزى
باسنيوز:
بهرپرسێ بنگههێ لالش یێ رهوشهنبیرى وكۆمهلایهتى تایێ شنگال دیاركركو بارودوخێ ئهمنى و سیاسى ل شنگال باش نینه، خهلكێ شنگال نهچارن ئهڤ سالە ژى دناڤ كهمپێن ئاواران رێ و رهسمێن جهژنا رۆژیێن ئێزى بگێرن”.
خشۆ میرزا، بهرپرسێ بنگههێ لالش یێ رهوشهنبیرى وكۆمهلایهتى تایێ شنگال بۆ (باسنیوز) دیاركر: “ئاوارێن شنگال ههموو نهشێن بچنه شنگال بۆ گێرانا رێ و رهسمێن جهژنێ. ل ڤێ جهژنێ ههموو ئێزدى قهستا سهر گۆرهستانێن مریێن خوه دهن و خێرا دكهن ومریێن ئاوارێن شنگال ههموو یێ ل شنگال. خهلك ههموو نهشێن بچن رێك یا دووره ومهترسی ژى ههیه. خهلك نهشێن بچنه وان رێ ورهسما بكهن لێ خهلكێ شنگال ههر ئێكێ دووڤ شیانێن خوه دهست ب رێ ورهسمێن رۆژیێن ئێزى كریه و خهلك رۆژیێن خوه دگرن و جهژنا خوه دێ ناڤ كهمپان كهن”.
خۆیا ژى كر: “ئهڤ سالە مه وهكو بنگههێ لالش ب سهرپهرشتیا شێخ شامۆ سهرۆكێ دهستهیا بلندا بنگههێ لالش دهست ب بهلاڤكرنا هاریكاریان كریه ل سهر كهسین ئێتیم ل ناڤ ههموو كهمپێن ئاواران بۆ جهژنا رۆژێێن ئیزى. دێ ل رۆژا 20/12/2019 رێ و رهسمێن جهژنا رۆژیێن ئێزى هێنه گێران”.
تُتاح هذه الصورة أيضا في: کوردی