ئێزدى ب رێككهفتنا ههولێر و بهغدا لسهر ئاسایكرنا رهوشا شنگال دلخۆشن
باسنيوز:
رێكهڤتنا دناڤبهرا حكومهتا ههرێما كوردستانێ و عێراقى دا ل سهر ئاساییكرنا رهوشا شنگال كوردێن ئێزدى زور دلخۆش كرینه.
خهلهف حسین، ئێكه ژ ئاوارێن شنگال بۆ (باسنیوز) دیاركر كو: “مه پێ باشه رێككهڤتن هاتیه كرن بۆ خۆشكرنا شنگال چونكو ئهڤ رێككهڤتنا حكومهتا ههرێما كوردستانێ و عێراقى دێ بیته ئهگهر شنگال بهێته ئاڤهدانكرن و خهلكێ زهرەرمهند بهێته قهرهبووكرن و ئاواره بزڤرنه سهر جهێن خۆ و گرووپێن چهكدار دناڤ شنگال دا نهمینن ئهم گهلهك دلخۆش بووینه ب ڤێ رێكهڤتنا هاتیه كرن”.
سلێمان خانهسۆرى، ئاوارى شنگال یه ل دهۆكێ بۆ (باسنیوز) دیاركر، كو ههر دهمێ پێشمهرگهى كوردستانێ زڤریه شنگال ئهم ژى دێ چنه سهر جهێن خۆ ئهم ل هیڤیا رۆژهكا وهسا بوون رێككهڤتنهك بهیته كرن و پێشمهرگهى كوردستانێ بزڤرته شنگال داكو ئهم ژى بشین ڤهگهرن و ئهم هیڤدارن ئهڤ رێككهڤتنا ناڤبهرا حكوومهتا ههرێما كوردستانێ وعێراقى دا زووترین وهخت بكهڤته وارێ بجه ئێنانێ دا وجه مه خۆش بیت و تهناهیێ پهێدابیت داكو ئهم ژى بشین بچنه سهر مالێن خۆ و دهست ب ژیانا خۆ ئاسایێ ب شنگال بكهین”.
حهسهن سهیدۆ مراد، ئاكنجیى قهزا شنگال نۆكه ئاواره ل كۆمهڵگهها شاریا سهر دهۆكێ ڤه دژێت بۆ (باسنیوز) گۆت:” ئهم بهرههڤن بچنه شنگال ههكه گرووپێن چهكدار دناڤ شنگال دا نهمینن و تهناهیێ پهێدابیت ئهم هیڤدارن ئاڤهدانیى ژى دروست بیت چونكو ههر سیبا شێخدر و تل گرعزیر و تل قهسهب و تل بنات ئهڤه كۆمهلگههێن شنگال ههموو وێرابووینه ریكهفتنا حكوومهتا ههرێما كوردستانێ و عێراقى دێ بیته ئهگهر خانیێن وهلاتیان ژى بهێنه ئاڤاكرن وئاڤهدانیى شنگال دهست پێ بكهت”.
مهحما خهلیل، قایمقامێ قهزا شنگال بۆ (باسنیوز) دیاركر، كو رێككهڤتن ل سهر سهقامگیریا شنگال و نهمانا گرووپێن چهكدار وكێشهیا دوو ئێدارى و رادهستكرنا دوسیهیا ئهمنیى یا شنگال بۆ دهستێ پێشمهرگههى كوردستانێ و لهشگهرى عێراقى ئهڤه رێككهڤتنا دێ بیته ئهگهر شنگال بهێته ئاڤهدانكرن و خهلك بزڤرنه سهر جهێن و مالێن خۆ”.
تُتاح هذه الصورة أيضا في: کوردی