كار ژبۆ خووندنا بابەتێ ئێزدیاتیێ ل دەڤەرێن ئێزدینشین ل عێراقێ دئێتە كرن
تۆرا لالش/دهۆك
ئیرۆ پێنج شەمبوویێ 6ی ئەیارا 2021ێ رێزدار “شێخ شامۆ” راوێژكارێ سەرۆكێ حكوومەتا هەرێما كوردستانێ بۆ كاروبارێن ئێزدیان ل ئۆفیسا خۆ یا راوێژكاریێ ل دهۆكێ ،پێشوازیا سەرپەرشتێن پەروەردەیی”غەزوان رەشید”و “بەدوی عومەر” یێن بابەتێ ئێزدیاتیێ و راسپاردی ل دەڤەرێن دەرڤەی ئیدارا هەرێما كوردستانێ كر ب ئامادهبوونا پسپۆر دبوارێ وانا ئێزدیاتیێ و پهروهردێ دا كاك شهمۆ قاسم بهرپرسێ بهشێ رهوشهنبیری ل دهستهیا بلندا بنگههێ لالش .
پشتی بخێر ئانینێ دهەڤدیتنێ دا رێزدار شێخ شامۆ و سەرپەرشتێن پەروەردەیی یێن بابەتێ ئێزدیاتیێ ب تێر وتەسەل بەحسێ چاوانیا دانانا میكانزمەكێ بۆ ئێكگرتن و خووندنا بابەتێ ئێزدیاتیێ ل دەڤەرێن ئێزدینشین ل هەرێما كوردستانێ و عێراقێ و مفا وەرگرتن ژ سەربۆرا خووندنا بابەتێ ئێزدیاتیێ ل هەرێمێ گەنگەشەكرن.
ژلایەكێ دی ڤە سەرپەرشتێن راسپاردی یێن بابەتێ ئێزدیاتیێ ئاماژە ب وێ چەندێ دا كو نیازا بەغدا ئەوە بابەتێ ئێزدیاتیێ یێ ل هەرێما كوردستانێ دئێتە خووندن بكەڤە دسیستەمێ وەزارەتا پەروەردەیا عێراقێ دا و ل هەموو دەڤەرێن ئێزدینشین بێتە خووندن.
شێخ شامۆ،راوێژكارێ سەرۆكێ حكوومەتا هەرێما كوردستانێ بۆ كاروبارێن ئێزدیان بەرهەڤیا خۆ نیشان دا كو مفا ژ سەربۆرا هەرێما كوردستانێ بێتە وەرگرتن و بابەتێ ئێزدیاتیێ یێ ئێكگرتی ل هەموو دەڤەرێن ئێزدیان ل عێراقێ وەكا یەك بت بێتە خووندن و جیێن پەیوەندیدار ژی هاتنە ئاگەهداركرن بۆ ڤێ پرسێ ،و دا دیاركرنوهكه بنگههێ لالش دئامهدهنه بۆ ههموو هاریكاری و ههماههنگیهكێ.
هەروەسا هەردوو لایان تەكەز ل وێ یەكێ كر كو ئێكگرتنا بابەتێ ئێزدیاتیێ ل سەرتاسەری عێراقێ پێنگاڤەكا باشە و دبەرژوەندا ئێزدیان دایە.
تُتاح هذه الصورة أيضا في: کوردی