بنگههێ لالش تايێ بهحزانێ هاريكارى لسهر چهندين قوتابخانان بهلاڤكرن
تۆرا لالش:
ب مهرهما ژ نێزيك هايداربوون لسهر پێتڤى و رهوشا قوتابخانان،بنگههێ لالش تايێ بهحزانێ سهرهدانا ژمارهكا قوتابخانێن خووندنا كوردى كر.
شاندهكێ بنگههێ لالش تايێ بهحزانێ دگهل بهرپرسێ لژنا بارزان يا پارتى ديموكراتى كوردستان،سهرهدانا چار قوتابخانێن خووندنا كوردى كر ل دهڤهرێ كر،ژبۆ پێشكێشكرنا كۆمهكا پێتڤى و كهلوپهلێن خووندنێ بۆ كارگێريێن قوتابخانان.
رهعهد تارق،بهرپرسێ بنگههێ لالش تايێ بهحزانێ دپهيڤهكێ د دياركر كو جيێ شانازيێ يه ئيرۆ سهرهدانا قوتابخانێن وه كرى و پشتهڤانيێ پێشكێشى قوتابيێن خۆ يێن هێژا بكهين،پشتهڤانيا قوتابيان ژ ئهولهوياتێن سياسهتا بنگههێ لالش يا بهردهوامه بۆ ڤێ تهخا گرنگ،و ئهم ههبوونا و بهردهواميدانا وه بۆ خووندنا كوردى دڤان كاودانێن ب زهحمهت دا ل دهڤهرا مه و رهوشا نهۆ ژبهر بهلاڤبوونا ڤايرۆسێ كۆرۆنايێ بهرچاڤ وهردگرين،ههروهسا ل بزاڤ و چالاكيێن داهاتى يێن بنگههێ لالش دێ ههماههنگى بتر لگهل كارگێريێن قوتابخانان ههبت ژبۆ دابينكرنا تهڤايا پێتڤيێن قوتابخانان.
ژبال خۆڤه كارگێريێن قوتابخانان رۆلێ بنگههێ لالش تايێ بهحزانێ بلند نرخاندن و گرنگ ل قهلهم دان بۆ پشتهڤانيا دهڤهرێ ل ههموو بياڤان دا و ب تايبهت قوتابيان و قوتابخانێن خووندنا كوردى،ئاماژه ب وێ چهندێ دا ژى كو بنگههێ لالش ههردهم ل رێزا پێشيێ و پيشهنگه بۆسهرهدانا قوتابخانێن مه و پێشكێشكرنا ههموو جۆرێن پشتهڤانيێ بۆ قوتابخانان ل دهڤهرێ.
تُتاح هذه الصورة أيضا في: کوردی