شێخ شامۆ راپۆرتهكا گرنگ پێشکێشی سەرپەرشتیارێ ئیدارا سەربەخۆیا زاخۆ کر
تۆڕا لالش:
دسەرەدانەکێدا ب مەرەما پیرۆزباهیێ شێورمەندێ سەرۆکێ حکومەتا هەرێما کوردستانێ بۆ کاروبارێن ئێزدییان”شێخ شامۆ” سەرەدنا ئیدارا سەربەخۆییا زاخۆ کر، و ب گەرمیی ژ لایێ گوهدار شێخۆ سەرپەرشتیارێ ئیدارا سەربەخۆڤە هاتە پێشوازیکرن.
شێخ شامۆ داخوازا سەرکەفتنێ ل گوهدار شێخۆ کر دپۆستێ وی یێ نووی و ئهڤ پێنگاڤه ل تەڤاهییا خەلکێ شەرەفمەندێ زاخۆ پیرۆز کر ب مەرەما ئیدارەیا سەربەخۆییا باژیرێ وان، و ڕۆلێ خەلکێ ڤێ دەڤەرێ د ڕووبرووبوونا شەرێ داعشێ بەرز و بلند نرخاند و دیارکر، زاخۆ دەڤەرا نموونەییا ب هەڤڕەژیان و سەمبوولەکا جوانا کوردستانێ ییە کو هەمبێزا هەموو ئۆل و ئەتنیک و ئاوارەییان کرییە.
ل داویێ ژی شێخ شامۆ راپۆرتهكا تێروتەسەل ل سهر رهوشا ئێزدیێن دەڤەرا زاخۆ(دەڤەرا هەوێرییا- دێرەبوون) ل دۆر پشکدارییا وان د ئیدارا سەربەخۆییا زاخۆ دا و مهغدوری و گلهیی وداخوازیییێن ئێزدییان بۆ دەڤەرێن وان پێشکێشی سەرپەرشتیارێ نوێ یا زاخۆ کر،هەروەسان سەرپەرشتیاری ئیدارا سەربەخۆییا زاخۆ پشتەڤانییا خۆ بۆ هەموو داخوازیێن ئێزدییان دیارکر و تهكهز كر دێ ب ههڤرا ههولا پێشكێشكرنا باشترین خزمهت بۆ ههمی پێكهات و ناوچێن سنورێ ئیدارا سهربهخۆیا زاخۆ كهن.
تُتاح هذه الصورة أيضا في: کوردی