نوونەرا ئێزدیان ل جڤاتا دهۆكێ:بریارا ناحیبوونا خانكێ دێ كەفتە د وارێ بجهـئينانێ دا
باسنيوز:
نوونەرا ئێزدیان ل جڤاتا پارێزگەها دهۆكێ دیار كر مەسرور بارزانی، سەرۆكێ حكومەتا هەرێما كوردستانێ بریار دایە كو بریارا ناحیبوونا كۆمەلگەها خانكێ بكەڤتە وارێ بجه ئێنانێدا هەروەسا ژی كۆمەلگەها شاریا ژی بیتە ناحیە.
بێریڤان سەلیم شەمۆ، نوونەرا ئێزدیان ل جڤاتا پارێزگەها دهۆكێ بۆ (باسنیوز) راگەهاند كو: ” ل دەستپێكا حەفتیا بهێت جڤاتا پارێزگەها دهۆكێ دێ بریاری دەت كۆمەلگەها شاریا بیتە ناحیە و سەرۆكێ حكومەتا هەرێما كوردستانێ بریار دایە كو بریارا ناحیبوونا خانكێ بكەڤتە وارێ بجه ئێنانێدا كو سالا 2016ێ جڤاتا پارێزگەها دهۆكێ ب ئامادەبوونا 26 ئەندامان دەنگ ل سەر پێشنیازا ناحیبوونا خانكێ دایە ل وێ دەمێ نڤیسار ب رێیا پارێزگارێ دهۆكێ چوویە وەزارەتا نافخۆ نوكە دێ بریارا ناحیا خانكێ كەڤتە وارێ بجه ئێنانێدا”.
بێریڤان سەلیم، ئاشكەرا كر كو: “ل حەفتیا بهێت جڤاتا پارێزگەها دهۆكێ دێ بریارێ ل سەر پێشنیازا ناحیبوونا كۆمەلگەها شاریا دەت ژبۆ بەرژوەندیا گشتی باشتر خزمەتكرنا وەلاتیان دێ شاریا بیتە ناحیە كو 15 گوند ب سەر كۆمەلگەها شاریا ڤە هەنە”.
تُتاح هذه الصورة أيضا في: کوردی