بنگەهێ لالش:
ـ ب جێبەجێکرنا رێکەفتنا هەولێر و بەغدا رەوشا شنگال ئارام دبت
ـ پشتەڤانیا داخوازيێن خۆپيشاندانێن ئاشتيانه یێن خەلكێ شنگال دکەین
ل رێکەفتی 2/5/2022ێ شەر دناڤبەرا سوپایێ ئیراقێ و چەکدارێن سەر ب پەکەکێ ڤە هاتە روودان، ل دۆر ئەڤێ چەندێ بنگەهێ لالش بەیاننامەک دەركر.
دەقێ بەیاننامێ:
پشتی رێکخراوا تیرۆرستیا داعش ل رێکەفتی 3/8/2014 شنگال داگیر كری وب دەهان کۆمکوژی ئەنجامداین و هەزاران کەس ژ کەچ و ژنان رەڤاندین و تا نهۆ چارەنڤیسێ ژمارەکا زۆر ژوان کەس وکارێن مە نە ددیارن، وب سەدان هەزاران کەس ئاوارە دەربەدەر بوون
بشتی بۆرینا زێدەتر ژ هەفت سالان مخابن ژ ئەگەرێ هەبوونا گرۆپێن چەكدارێن نەشەرعی و نەیاسایی ، خەلکێ شنگالێ ژبەر نەبوونا ئارامیێ ژیانا کەمپان هەلبژارتی یە.
ل رێکەفتی 2/5/2022ێ ل شنگالێ شەر دناڤبەرا سوپایێ ئیراقێ و هێزێن سەر ب پەکەکێ ڤە روودا و دووبارە خەلکێ وێ دەڤەرێ ئاوارە و دەربەدەر بون، لەوران دخوازین رێککەفتنا دناڤبەرا هەولێر و بەغدا یا ل دۆر شنگالێ بهێتە جێبەجێکرن ، چونکو خالێن وێ رێکەفتنێ د بەرژوەندیا شنگال و شنگالیان دانە و ئارامی دێ بۆ دەڤەرێ ڤەگەرت
هەروەسان پشتەڤانیا داخوازێن خۆپێشاندانێن مەدەنی یێن شنگال دکەین و دخوازین رێز ل ئیرادە و هیڤی و داخوازیێن وان بهێنەگرتن ژبەرکو خەلکێ شنگال ژ هەژی خزمەتێ یە و تاقەتا زێدەترا قوربانیا شەران نینە.
هەروەسا دخوازن وەلاتێن جیهانێ و جڤاکا ناڤدەولەتی کۆمکوژیا ئێزدیان ل ب جێنوساید بهێتە ناسکرن، ب رژدی کاربکەن وئاڤادانی دەستپێبکەت، و ئاشتی و ئارامی بۆ دەڤەرا شنگال بهێنە دابینکرن داکو دووبارە تووشی کۆمکوژیان نەبنەڤە و ئاوارە ڤەگەرنە سەر جهـ و وارێن خۆ و ژیانا خۆ ب ئارامی رێڤەببەن.
دەستەیا بلندا بنگەهێ لالش يێ رهوشهنبيرى و كۆمهلايهتى
10/5/2022
تُتاح هذه الصورة أيضا في: کوردی