وەكیلێ میرێ ئێزدیان:ل عەفرینێ ئێزدى بهر ب نهمانێ دچن
تۆرا لالش:
وەكیلێ میرێ ئێزدیان راگەهاند،كو ل عەفرینا رۆژئاڤایێ كوردستانێ خەلكێ ئێزدی بەرەف نەمانێ دچن و گرۆپێن چەكدار جیێن پیرۆز وێران دكن و داگیركرینە.
جەهوەر عەلی بەگ،وەكیلێ میرێ ئێزدیان بۆ باسنیوز راگەهاند،ژبەر هەبوونا گرۆپێن چەكدار رەوشا ئیزدیان ل عەفرینێ د هەموو لایان ڤە گەلەك تێكچۆیە و گرۆپێن چەكداركچێن ئێزدیان د رەڤینن و نۆكە ئێزدیێن عەفرینێ بەرەف نەمانێ ڤە دچن ئەڤەژی بوویە جیێ نیگەرانیا مە و پێتڤیە ئێزدی بێنە پاراستن،ئەو ئێزدیێن ل عەفرینێ ماین رەوشا وان گەلەكە خرابە و مەترسیەكا مەزن ل سەر وان هەیە و جیێن پیرۆز یێن ئێزدیان هاتینە وێرانكرن و دەستكاری تێدا هاتیە كرن.
گۆتژی،ژمارەكا زۆر ژ ئێزدیێن عەفرینێ ئاوارەبووینە و ل كەمپا شهبا ئاكنجی بووینە كو رەوشا وان ژی یا باش نینە و پێتڤی ب هاریكاریێ نە،ئەم ژی دەنگێ هاوارا خۆ بلند دكەین داكو پشتەڤانی و هاریكاریا ئێزدیان بێتە كرن.
تُتاح هذه الصورة أيضا في: کوردی