80%ئاوارەیێن شنگال ب مەرج دڤێن ڤەگەرنە دەڤەرێن خۆ ڤە
تۆرا لالش:
ل سنوورێ قەزا شێخان 80%ژ ئاوارەیێن شنگالێ یێن ل ناڤا كەمپاندا ئاكنجی،دخوازن ڤەگەرنە دەڤەرێن خۆ ڤە.
بەرپرسێ ئۆفیسا دەزگەهێ خێرخوازیێ بارزانی ل قەزا شێخان،هەكار میر حازم تەحسین بەگ بۆ دەنگێ لالش راگەهاند،ئاوارەیێن شنگالێ یێن دكەمپاندا ئاكنجی ل سنوورێ دەڤەرا وان دڕەوشەكا پەریشان و ب زەحمەت دا دژین،ب تایبەت پشتی شەرێ ئۆكرانیا سەرهلدایی هەموو ڕێكخراوان خۆ ژ كەمپان ڤەكێشا و پێشبینی دكەین هێشتا ڕەوشا ئاواران خرابتر ببت،ئەگەر ڕێكخراوێن نێڤ دەولەتی پشتەڤانی یا ئاواران نەكەن.
خویاكر ژی نۆكە 80%ژ ئاواران ل ناڤا كەمپاندا دڤێن ڤەگەرنە سەر دەڤەرێن خۆ ڤە بەلێ مەرجێ وان ئەوە ئارامی ل شنگال بەرقرار ببت و كارەب و ئاڤ و خزمەتگۆزاریێن سەرەكی یێن ژیانێ بۆ وان بێنە دابینكرن.
پشتی ڕێكخراوا داعش یا تیرۆرستی هێرشی قەزا شنگال كری،ب هەزاران خەلك دەربەدەر و ئاوارەبوون و ل گۆرەی ئاماران هێشتا نێزیكی 300هەزار وەلاتیێن شنگالێ ئاوارەنە و دناڤا كەمپان و ژ دەرڤەی كەمپاندا ژیانا خۆ دەرباز دكەن.
تُتاح هذه الصورة أيضا في: کوردی