دوو نهخۆشخانه دێ ل شنگال ئێنه دروستكرن
باسنيوز:
قایمقامێ قەزا شنگال دیار کر، رازیبوون ل سەر ئاڤاکرنا دوو نەخۆشخانا بۆ قەزا شنگال ھاتە کرن، نووکە پرۆژە د قوناغا تەندەر و راگەھاندنێدایە، دێ دەست پێ ھێتە کرن.
نایف سەیدۆ، قایمقامێ قەزا شنگال ب وەکالەت، بۆ (باسنیوز) راگەھاند کوو: “دوو نەخۆشخانا ل نیزیک دێ ھێنە ئاڤاکرن، ئەوژی دێ نەخۆشخانەکا ١٠٠ تەختێ ل شنگال بیت بۆ ڤێ نەخۆشخانێ گوژمێ ٧٧ ملیار دیناران ھاتییە تەرخانکرن، دێ نەخۆشخانەکا ٥٠ تەختی ل ناحیا سنوونێ ژی بیت، ئەوژی ب گوژمێ زێدەتر ژ ٤٠ ملیار دیناران دھێتە ئاڤاکرن. نووکە ئەرد ھاتییە دەستنیشانکرن ناڤبەرا باژێرڤانی و ساخلەمییا شنگالدا، چاڤەریا دەست ب ئاڤاکرنا ڤان نەخۆشخانا بھێتە کرن”.
ئاشکەرا کر کوو: “نووکە پرۆژەیێ ھەردوو نەخۆشخانا دقوناغا راگەھاندنێدایە پشتی بەلێندەر وەردگریت دێ دەست ب ئاڤاکرنا ھەردوو نەخۆشخانا بۆ خزمەتکرنا خەلکێ شنگال ھێتە کرن”.
تُتاح هذه الصورة أيضا في: کوردی