سهرۆكێ بنگههێ لالش پشتهڤانيا خۆ بۆ بنگههێ ساخلهميا باعهدرێ دوپاتكر
تۆرا لالش:
ئيرۆ ئێك شهمبوويێ 30ى تيرمهها 2023،بهرێز “سهعيد جردۆ” سهرۆكێ دهستهيا بلندا بنگههێ لالش دگهلدا بهرێز” كاروان باعهدرى” ئهندامێ دهستهيا بلند و” خهلات باعهدرى” بهرپرسێ بنگههێ لالش تايێ باعهدرێ،سهرهدانا بنگههێ ساخلهميێ ل ناحيا باعهدرێ كرن.
شاندێ بنگههێ لالش ژبال “د.دلحق جانگير” ڕێڤهبهرێ بنگههێ ساخلهميا باعهدرێ ڤه هاتنه پێشوازيكرن،ئهڤه و دروونشتنێ دا بهرێز سهعيد جردۆ سهرۆكێ دهستهيا بلندا بنگههێ لالش بهحس ل ڕۆلێ بنگههێ ساخلهميا باعهدرێ كر ژبۆ هاريكاريكرنا ئاوارهيێن شنگالێ ودهستخۆشى و پێزانينێن بنگههێ لالش پێشكێشكرن و پشتهڤانيا خۆ ژى بۆ بۆ ههر جۆره هاريكاريهكێ بۆ بنگههێ ناڤبرى دوپاتكر.
ژبال خۆڤه د.دلحهق جانگير ڕێڤهبهرێ بنگههێ ساخلهميا باعهدرێ سوپاسيا سهرۆكێ دهستهيا بلند و بنگههي لالش تايێ باعهدرێ كر بۆ پشتهڤانيا وان يا بهردهوام بۆ بنگههێ ساخلهميێ.
تُتاح هذه الصورة أيضا في: کوردی