“ل كۆمه‌لگه‌ها شاريا هه‌ژماره‌كا ياريزانان هاتنه خه‌لاتكرن”
تۆڕا لالش:
دوهى ڕۆژا ئينيێ 6ى چريا ئێكێ 2023،ل دەمژمێر شەشێ هێڤاری ڕێوڕسمێن داویا خۆلا تەپا سەر مێزێ ل بنگەهێ لالش تایێ شاریا ب ئامادەبوونا جەماوەرەکێ زۆر ژ پشتەڤانێن وەرزشێ ل ده‌ڤه‌رێ ب ڕێڤەچوون.
ل ده‌ستپێكێ” دلگه‌ش سه‌ليم”بەرپڕسێ بنگەهێ لالش تایێ شاریا په‌يڤه‌ك پێشكێشكر و تێدا پشتەڤانیا بنگەهی دادیارکرن بۆ تەخا لاوان و گەنجان د هەموو بواران دا ب تایبەت دبياڤێ وەرزشێ.
یاریا داویێ دناڤبەرا دوو یاریزانان دا هاتە ئەنجامدان و تێدا یاریزان رێبەر سەبڕی سەرکەفتن بەرامبەر هەڤالێ خۆ یێ یاریزان دارا ئینا ب سێ گێمان بەرامبەر گێمەکی.
دڤێ خۆلێ دا 20 یاریزان بەشداربوون كو بۆ ماوێ دوو هەفتیان يا بەردەوام بوو،ل داویێ ژى دوو سەرکەفتیێن ئێکێ هاتنە خەلاتکرن دگەل سێ دادڤانان ژ ئالیێ بنگەهێ لالش تایێ شاریا ڤە.
بۆ زانین بنگەهێ لالش تایێ شاریا بەردەوام پشتەڤانیا تەخا لاوان و گەنجان دکەت ژ پێخەمەت بلندکرنا ئاستێ وەرزشی ل کۆمەلگەها شاریا.
تُتاح هذه الصورة أيضا في: کوردی