داكو خەلكێ خۆ ژمەترسیێ بپارێزین ئەم د ئامادەبووین بۆ شەرەكێ نەچاڤەڕێكری
تۆڕا لالش:
پێشمەرگە”نزار عەلی بیبۆ” ژدایكبوویێ1967سالاێ یە ل گوندێ شاریا یە سەر ب كۆمەلگەها شاریا، ل سالا 1992 پێشمەرگەبوو ب سەر هێزا رەشید نەرمۆ و دگەل چەندین هەڤالان ب خۆبەخشی پێشمەرگایەتی كریە،ئێك ژوان پێشمەرگایە نێزیكی سیهـ سالان بێ راوەستیان كارێ پێشمەرگایەتیێ كرییە و د چەندین بوویەرێن گرنگ دە ڕۆلێ خۆ هەبوویە و هەر ئەركەكێ پێ هاتبا سپارتن ب ڕێك و پێكی ب جهئینایە و نۆكە ب پلا(جێگرێ ئەفسەری) هاتیە خانەنشینكرن.
پێشمەرگە نزار عەلی بیبۆ د دهەڤدیتنەكێ دە بۆ (تۆرا لالش) بەحس ل سەربۆر و هەلویست و ژیانا خۆ یا پێشمەرگایەتیێ دكەت و دبێژت:ل سالا 1992 ئەز پێشمەرگەبووم ب سەر هێزا رەشید نەرمۆ و دگەل چەندین هەڤالان ب خۆبەخشی پێشمەرگایەتی كریە ل وی دەمی بارەگایێ مە ل كۆمەلگەها شاریا بوو و سنوورێت مە و جهێت بن دەستهەلاتا حكومەتا عیراقێ دە نێزیكی ئێك بوون، داكو خەلكێ خۆ ژمەترسیێ بپارێزین ئەم د ئامادەبووین بۆ شەرەكێ نەچاڤەڕێ كری، هەروەسا دەمێ كۆمبوونەك یان بیرەوەریەكا نەتەوەیی دهاتە ساخكرن مە پاراستنا وان دكر، من پێشمەرگایەتی ل ئێكەم رێكخراوا پارتی دیموكراتی كوردستان ل كۆمەلگەها شاریا كریە.
“پێشمەرگایەتی ل ئێكەم رێكخراوا پارتی دیموكراتی كوردستان ل كۆمەلگەها شاریا كریە”
نزار عەلی بیبۆ زێدەتر گۆت: ل سالا 1997 پشتی ئامرهێز رەشید نەرمۆ هاتییەشەهیدكرن ئەز دگەل ڤان هەڤالان ئەدریس كەلۆ، عیدۆ عەلی،نەبیل عەلی،جۆقی دەرمان گەهشتینە بەتەلیونا مەحمود بلدێشی و مووچەكێ هەیڤانە دا مە و جهێت ئەركێ مە هاتنە دەستنیشانكرن و پشكداری هندەك خۆلێت مەشقا لەشكەری بووم ول چەندین جها ئەز ب ئەركێ خۆ رابوویمە ژوانژی ل زاخۆ،بامرنێ، شەقلاوە، سپیلكی و گەلەك دەڤەرێت دی.
“د پرۆسێسا ئازادكرنا شنگالێ دە تا داوی رۆژ من پشكداری كرییە”
دەربارەی دەستپێكرنا شەڕێ ئازادكرنا عیراقێ ل سالا 2003 دیاركر: ئەم د ناوچەدارییا ئەلقوش و مشرفێ و تلسقوف و باتنایێ رە چۆینە د باژێرێ موسل دە كو ل وی دەمی ئامر هێزێ مە مستەفا علی بوو، د بەردەوامییا ئاخفتنا خوەدا دیاركر،من بەردەوامی دا كارێ خۆ و یێ پێگربووم ب ئەركێ خۆ و هەموو هەڤالێت من ژی دبەردەوام بوون تاكو پشتی ئازادكرنا عیراقێ بارودخ هاتییە گهۆرین ل سالا 2004 ئەم بۆ سەر سوپایێ 14هاتینە ڤەگوهاستن ل قەزا زاخۆ و پاشی ئەم چۆینە دەڤەرا شنگال كو د وی دەمی دە ژبەر هەبوونا تیرۆرێ باردۆخێ شنگال گەلەك نەیێ باش بوو و بۆ زانین هنگی كۆستەرەكا هێزین مە هاتە پەقاندن نێزیكی پێنجی پێشمەرگەیان تێدا بوون و سێ ژی بریندار بوون، پشتی سالا 2004 ئەم چۆینە سەر ب هێزا ئێك ڤە ل زێرەڤانیێ و ئەم ل شنگال ماین هەتا هاتنا داعش دەمێ ل دەستپێكێ تیرۆرستێن داعش هاتین ژبەر گرتنا رێیا رەبیعە ئەز وچەند هەڤالەك د وەلاتێ سوریا رە هاتینە هەرێمێ و شەڤ و رۆژەكێ برێڤە بووین،پاشی چۆمە سەر ئەركێ خۆ ڤە و شەڕێ مە و داعش یێ بەردەوام بوو.
“ل سنوورێن بەنداڤا موسل مە داستان ل دژی تیرۆرستێن داعشێ تۆماركر”
پێشمەرگە نزار عەلی بیبۆ هێشتا دبێژت:پشكداری د پرۆسیسا ئازادكرنا شنگالێ دە كرییە و بەتەلیونا مە ل شنگال ما ئەم بۆ سنوورێن بەنداڤا مووسل هاتە ڤەگوهاستن بۆ هێزا خۆ تا سالا 2015 چەندین داستان ل دژی رێكخراوا تیرۆرستییا داعش مە ئەنجام داینە و بەرامبەر هەر هێرشەكا ئەوان ب دژواری مە بەرسڤا وان دایە، ژوانژی درۆژەكا مژەوی دا هێرشی بەتەلیۆنەكا مەكرن هەول دان زیانێ ب گەهیننە مە و مە ئەو هێرشە شكاند و مە زیانێن مەزن ل وان دان كو بتری پێنجی تیرۆرست هاتنە كوشتن و بریندار كرن و بێگۆمان ئەڤ داستانە ب شەهید بوونا چەند پێشمەرگێن قەهرەمان ب داوی هات، هەروەسان جارەكێ دشەڤەكێ دە چار ترومبێلێت ئەوان بەرەف سەنگەرێن مە هاتن ئەم پێشمەرگە د سەنگەری دا بووین ئێكسەر مە بەرسڤا وان دا و مە دوو ژوان پەقاندن و دوو یێن دی ب فرۆكەیێن شەركەر یێن هەڤپەیمانێن نیڤ دەولەتی هاتنە ژناڤبرن.
ئاشكرا كر، د ماوێ درێژ یێ پێشمەرگەیاتییا من دا چەندین هەڤال و برادەرێت من یێن پێشمەرگە ژ پێخەمەتی دۆزا ئاخ و وەلاتی شەهید و برینداربووینە، ژوانژی فەتحی ژ زاخۆ،رەمەزان محەمەد علی ژ زاخۆ، ئەحمەد عزەت ژ شنگال و زێدەباری چەندین پێشمەرگە شەهیدبوون،ل تلعدس و منارە ل سالا 2018 ئەم بووینە لیوا چار یا سەنگەرا،ل سالا 2022كەفتمە سەر لیوا سێ یا سەنگەرا فەوجا ئێك، و ل سالا 2023ێ ب پلا(جێگرێ ئەفسەری) هاتمە خانەنشینكرن، بۆ من شانازیە كو من هەموو شیانێت خۆ بۆ خەباتێ ژ پێناڤی مللەت و نەتەوا خۆ دایە كاری، و ب پشتەڤانییا خودایێ مەزن دێ مللەتێ مە گەهتە هەموو ئارمانجێت خوە.