پێنچ شەمبا ڕەوشەنبیری..دانوستاندنه‌كا ڤه‌كرى ل دۆر(ئێزدیاتی دناڤبەرا ریفۆرم وگۆرانکاریان دە)هاته كرن
تۆڕا لالش/دهۆك
دچارچوڤێ سازكرنا پێنچ شەمبا ڕەوشەنبیری بۆ ڕه‌وشه‌نبيرێن ئێزدى،ئيرۆ 15ى شوباتێ 2024، ل په‌رتۆكخانا پير خدر ل بنگه‌هێ لالش ل دهۆكێ دانوستاندنا لالش 3 يا ڤه‌كرى ل دۆر (ئێزدیاتی دناڤبەرا ریفۆرم وگۆرانکاریان دە…) بۆ “د. ممۆ عثمان” و ب ئاماده‌بوونا بژاره‌يه‌كا ئه‌كاديمى و كه‌سايه‌تى ومامۆستا وڕه‌وشه‌نبيران هاته ڕێكخستن.
پاشان “د. ممو عثمان” باس ل ئێزدیاتی دناڤبەرا ریفۆرم وگۆرانکاریان دە و شۆرەشا فەرەنسی كو بوو ئەگەر ریفۆرم چێبت و ڕۆلێ بیرمەندان د ریفورمێ دا كر و دياركر كو هاتنا شیخادی بۆ ناڤ ئێزدیان وەرچەرخان بوو،و هەر ئاینەکى گوهۆرين و خودا پەرستی و قەول و بەیت خۆ گونجاندن يێن هه‌ين،زێده‌بارى خۆناسینا ئێزدیان و خوياكر ژى كو گۆتارا ئايينى مه نینە و ئەگەر گۆتارا ئايينى هەبت کەس نابێژت توو چى و بۆچی ئێزدیاتی وەسا بێژت و گرنگە هەیکەلییەت بۆ مە ئێزدیان هەبت.
دلايه‌كێ دى دا د.ممۆ به‌حس ل ڕێگریێن ل پێشا ریفورما ئێزدیان و نفشێ بەرێ و گەنجێن نۆکە کر كو دێ چاوان باوه‌ريێ بۆ نفشێ كه‌ڤن چێكه‌ين كو گوهۆرين بێنه كرن وکێ مافێ وێ چەندێ هەیە گوهۆرینان بکەت،ته‌كه‌ز كر ژى ئێزدیاتی نەیا ئالۆزە، ئاینەکێ تژی ڕۆناهی و ئەشقە و ب هەڤگرتنێ دکارین ریفۆرم و گۆرانکارییێ بکەین،هه‌روه‌سا ئاماژه دا گرنگییا هەبوونا پەرتۆکا ئێزدیاتی،کو نەهاتیە چێکرن و ڕۆلی ڕەوشەنبیران د ریفورمێ دە.
لدووڤدا ده‌ر‌گه‌هێ گه‌نگه‌شێ دناڤبه‌را دكتۆرى و ئاماده‌بوويان دا ل دۆر بابه‌تێ ناڤبرى هاته ڤه‌كرن.
ل داويێ ژى رێزدار” سه‌عيد جردۆ” سه‌رۆكێ بنگه‌هێ لالش سوپاسيا د.ممۆ و ئامادەبوویان كر كو ئه‌ڤ دانوستاندن ده‌وله‌مه‌ند بوو و بابه‌ت زەنگینتر لێکر، رۆنكر ژى كو ئه‌ڤ جۆره دانوستاندنێن ڕه‌وشه‌نبيرى دێ دبه‌رده‌وام بن.
تُتاح هذه الصورة أيضا في: کوردی
