پرسا ديپۆرتكرنا پهنابهرێن ئێزدى ل گهل وهزيرێ ناڤخۆيێ ئهلمانيا دێ ئێته گوتۆبێژكرن
تۆڕا لالش:
پرۆسا ديپۆرتكرنا پهنابهرێن ئێزدى ل عێراقێ هێشتا ل هندهك ههرێمێن وهلاتێ ئهلمانيا بهردهوامه،ههر بۆ ڤێ مهرهمێ كۆمبوونهك ل گهل ڕێكخهرێ فيدراڵى ل ڕێكخراوهكێ ل ئهلمانيا هاته ئهنجامدان كو ڤێ پرسێ بگههينته وهزيرێ ناڤخۆ.
دهربارهى پرۆسا ديپۆرتكرنا پهنابهرێن ئێزدى،ئيرۆ 16شوباتێ 2024،ههر ئێك ژ “ئلياس يانج” بهرپرسێ مالا ئێزديان ل ئۆلدنبۆرگ و “گوڵستان ئیبراهیم” و “تیۆ لامبی” و “بەسام میحى” ل گهل ڕێکخەرێ فیدراڵى ستیفان ئەلبانی ل ڕێکخراوا (CDU/CSU-Bundestagsfraktion)كۆمبوون.
ئلياس يانج،بهرپرسێ مالا ئێزديان ل ئۆلدنبۆرگ دياركر؛د ديدارێ دا ڕێکخەرێ فیدراڵى ستیفان ئەلبانی هاته ئاگههداركرن ل سهر كاريگهريێن ديپۆرتكرنێ ل سهر پهنابهرێن ئێزديێن عيراقێ يێن ل وهلاتێ ئهلمانيا ئاكنجى،كو هێشتا ل هندهك ههرێمان ديپۆرتكرن يا بهردهوامه سهربارى هندێ كو ئهو پهنابهر چاڤهرێ وهرگرتنا مافێ پهنابهريێ نه ل وى وهلاتى.
يانج رۆنكر ژى ڕێکخەرێ فیدراڵى ستیفان ئەلبانی بهرههڤيا خۆ نيشاندا پهيوهنديێ ب وهزيرێ ناڤخۆ بكهت ل دۆر چارهكرنا پرسا ديپۆرتكرنا پهنابهرێن ئێزدى.
تُتاح هذه الصورة أيضا في: کوردی