ساڵڤەگەرا وەغەرکرنا سێيێ يا هزرمەند ونڤیسەر وڤەکۆلەرێ ئێزديان “پیر خدر سلێمان” ل بيردئينين،كو دڕۆژه‌كا وه‌كا ئيرۆدا ل 15/11/2021 ستێرەکا گەش ژ ئەسمانێ ڕەوشه‌نبیریا کوردی دارژیا خوارێ و چاند و ئەدەبێ مللەتێ مە تاری کر،ب ئه‌گه‌را نه‌خۆشيێ وه‌غه‌را داويێ كر.

هزرمەند ونڤیسەر وڤەکۆلەر”پیر خدر سلێمان”ئێك ژ دامەزرێنەرێن سەرەکی یێن بنگەهێ لالش و هێما وسومبلەکا وەفاداریێ ودڵسۆزیێ ونیشتیمانپەروەریێ بوو،ئاشقەکی ئەفسوونایی کوردینیێ وئێزدیاتیێ بوو،تێکۆشەر وخەباتگێرەکێ نەلڤ و سەرکردەیەکێ بلیمەتی پێشڤەبرنا جڤاکێ بوو.

پیر خدر ڕۆلەکێ بەرچاڤ و ژ هەژی د چاند و ئەدەبیاتا کوردی دا هەبوویە ب تایبەتی دبوارێ ئێزدیاتیێ د و كارى قه‌ول و به‌يت و قه‌سيدێن ئێزديان ژ سينگێ قه‌ولبێژان ده‌رينت و بپارێزت و ئێكه‌م نڤيسكار بوو په‌رتۆكا ئێزدياتيێ نڤيسى بۆ قوتابيێن ئێزدى.

ژ یەزدانێ مەزن داخوازکارین گیانێ وی ب بەهەشتێ شاد بکەت و سەبر و هەدارێ بدەتە مالباتا وى.

ده‌سته‌يا بلندا بنگه‌هێ یێ ره‌وشه‌نبیری و كۆمه‌لایه‌تی