ل رێكه‌فتی 25/3/2026ێ، ب ئاماده‌بوونا كه‌سایه‌تی و ماقول و ره‌وشه‌نبیرێن ده‌ڤه‌رێ كۆمبوونه‌كا ڤه‌كری ل باعه‌درێ ئه‌نجام دان و چه‌ند بریار ل دۆر تازییان ده‌رخستن.

خه‌لات باعه‌درێ د لێدوانه‌كێ دا بۆ سه‌ما تیڤی ئاشكه‌راكر: هەروەک ئاشکەرایە، رۆژا سیێ یا تازییێ (خێرا مرییان) ل دەڤەرا مە و ب تایبەت ل ناحیا باعه‌درێ دبته‌ خه‌بسه‌، مێهڤان و سه‌ردانكار ل ده‌ڤه‌رێن دوور و ده‌رڤه‌ی باعه‌درێ ده‌ربرینا  هه‌ڤخه‌میێ پشكداریێ د تازیێ دا دكه‌ن و تازی دبته‌ قه‌ره‌بالغ، ئەڤ چەندە ژی فشارەکا مەزن دئێخیتە سەر هۆلێن تازییان.

گۆتژی: له‌وران بریار هاته‌ دان خه‌لكێ ده‌ڤه‌رێ یێن د هۆلا تازیێ دا ڤان خالان ل بەر چاڤ بگرن ئه‌وژی پێدڤییە د ناڤ دیوانێ دا جهێ پێشیێ و رونشتنێ بۆ مێڤهانێن دەرڤەی ناحیه‌یێ بهێتە تەرخانکرن و  ئەڤ پەیامە وەک هەلویستەکێ مرۆڤایەتی و جوامێرانه‌یه‌ و رێزگرتنه‌ ل مێهڤانان.

دیارژی كر: د حالەتێ تێژبوونا هۆلێ دا، نیشانەیا رەسەنییا مە ئەوە ئه‌م جهێ خۆ بۆ مێڤانی چۆل بکەین دا کو بێ زەحمەت ئەرکێ خۆ یێ تازییێ بجهـ بینت، پێدڤییە ل بیرا مە بت کو کەسایەتییا مرۆڤی ب جهێ رونشتنێ نینە، بەلکو ب رەوشت، ڕێزگرتن و چەوانیا پێشوازیکرنهێ یه‌ ل مێهڤانان، ئه‌ڤه‌ژی تێگه‌هشتن و ره‌وشه‌نبیری و ره‌سانه‌یه‌تییا  جڤاكێ مه‌یه‌ ل مێهڤانان.