چەوا دێ پاتریا موبایلا خوە پارێزی؟
ئێن ئارتى
بکارئینەرێن موبایلێن زیرەک دئەڤرۆدا ژوێ ئێکێ نیگەران کو شەحنا موبایلێن وان زی تمام دبن، ب تایبەتی کو ژمارەکا زۆرا ئەپلیکەیشنان لسەر موبایلێن وانن و بەردەوام ژى ب ئینتەرنێتی ڤە گریداینە.
بکارئینەر نزانن کو چێدبە ئەو ئاریشە گرێدای بیت ب چەوانیا شەحنکرنا موبایلێ کو ئەگەر ب شاشی وی کاری بکەن ئەگەر هەیە کارتێکرنێ بکەتە سەر تەمەنێ پاتریا موبایلێ.
د ڤێ مژارێدا، مالپەرێ بیزینس ئینسایدەر بەلاڤکریە، هند شاشی هەنە کو ژ ئالیێ بکارئینەرێن موبایلێن زێرەک تێ کرن ل دەمێ کو پاتریا موبایلا خوە شەحن دکەن کو کارتیکرنێ دکە سەر پاتریا موبایلێن وان.
د ڤێ مژارێدا مالپەرێ ناڤهاتی چەند ئاموژگاری و رێک ژبۆ پاراستنا پاتریا موبایلێ بەلاڤکریە و ب ڤی رەنگی:
١-نەهێلە موبایل ب کارەبێ ڤە بمینیت دەمێ کو ب تمامی شەحن بوو، چونکە ئەگەر تەهێلا ب کارەبێ بمینیت و شەحنا وێ گەهشتە ١٠٠%، دێ زیانێ ب پاتریا موبایلێ گەهینیت.
٢-هەول بدە شەحنا موبایلا خوە نەگەهینیە ١٠٠%، لگۆری هند ڤەکولینان پاتری ژ مادەیا لیسیۆم-ئایۆن هاتیە دروستکرن و پیدڤی ب شەحنا ١٠٠% نینە، بەلکی بەرۆڤاژی شەحنکرن ب رێژەیا زۆر کارتێکرن لسەر ژییێ پاتریێ دکەت.
٣- هەر دەمەک تە دەم هەبوو موبایلا خوە شەحن بکە، واتە مەرج نینە موبایلا خوە ئێک جار شەحن بکەی دکاری ئەگەر گەهتشە ٧٠% ژ شەحنێ بینە دەرێ و دەمەکی دی جارەکا دی بێخیە ژێر شەحنێ.
٤-نەهێلا وزەیا موبایلا تە بگەهیتە ١٠% یان کێمتر، هەول بدەت بەری بگەهیتە وێ ریژەیێ، موبایلا خوە شەحن بکە.
٥-هەول بدە موبایلا خوە ل جهێن هین دابنی دویر ژگەرمێ، چونکی موبایلێن زیرەک گەلەک هەستیارێن ب گەرمێ ڤە،هەمی جارا ژى کۆمپانیا ئەپل تیکەز کریە کو پێدڤیە موبایلان دویربخن ژێدەرێن گەرمێ.
ز.ح
تُتاح هذه الصورة أيضا في: کوردی