ل کوردستانێ مۆبایلەکا iphone بۆ دەمێ نیڤ سەدەی قوفل دبیت
ئێن ئارتى
یەک ژ تایبەتمەدیێن مۆبایلا ئایفۆن ئەوە، ئەگەر بۆ دەمێ چەند جاران ژمارا نهێنی خەلەت بکاربنی بۆ ڤەکرنا مۆبایلێ دێ بۆ دەمێ چەند خۆلەکان قوفل، ئەگەر وێ خەلەتیێ دووبارە کەی ژی دێ بۆ دەمێ چەند دەژمێران قوفل بیت.
ڕەنگە ئەڤە تشتەکێ سەیر و سەمەر بیت لدەڤ پرانیا وان کەسان کو مۆبایلەکب ۆ دەمێ چەندین سالان ژ کارکرنێ ڕاوەستیت، لێ تا نها تە ئەو چەندە گوهلێ نەبوویە کو ئەڤێ ئاریشێ کوردستان ژی خۆە ڤە گرتیە، مۆبایلەک بۆ دەمێ (٤٧) سالان قوفل دبیت ژبەر خەلەت بکارئینانا ژمارا نهێنی بۆ دەمێ چەند جارەکان.
حەمید ئەحمەد ڕونشتنڤانێ باژێرێ سلێمانیێ یە ب ماڵپەرێ ئێن ئاڕ تی دوو ڕاگەهاند، “مۆبایلا من (iphone 5s) و پشتی خەلەت لێدانا ژمارا نهێنی بۆ دەمێ سێ جاران، لسەر شاشەیا مۆبایلا من دهێتە نڤیسین پشتی ٤٧ سالێن دی قوفلا مۆبایلا تە دێ ڤەبیت”.
ئەڤ ئاریشە ل چەند وەلاتەکێن دن ژی ڕوودایە و بکارهێنەرێن وێ جۆرێ مۆبایلێ دبێژن چارەسەریا وێ هەیە لێ دەمدرێژە و ژ سەرکەفتنا وێ پشت ڕاست نین.
مالپەرێ “lifewire” چارەسەریا ئایفۆنێ د دوو خالاندا خستیە بەرچاڤ کو پێکدهێن ژ:
١- یەکەم ڕێكا ڤەگێرانا سیستمی ئایفۆنێ بڕێکا “backupڤە ب جۆرەکی دەبێت بکارهێنەر مۆبایلێ ب کۆمپیوتەری ڤە گرێدەت ب بکارهێنانا “itunes”. پاشی کلیک بکەتە لسەر “restore” و پاش تەمامکرنا ڕێکان دکاریت مۆبایلێ بکاربهێنیت، بەلێ دەبێت ئاگادار بیت چونکی سیستەمێ مۆبایلێ ڤەدگەریتە پێش وی دەمی کو “backup” کریە، ئانکو هەر داتایەک پشتی باکئەپ د مۆبایلا تە دابیت نامینیت.
٢- ئەگەر ئەوێ چارەسەری نەکر، ڕێکا “recovery mode” بکاربهێنە؛ دەستپێکێ مۆبایلا خۆە ڤەمرینە و پاشی ب کۆمپیوتەری ڤە گرێدە ب ڕێکا “itunes”ڤە. پاشی دەبێت قۆناغەکا دی جێبەجێ بکەی کو دبێژنێ “hard reset”، پەنجێ لسەر دوگمەیا ڤەمراندنێ و هۆمەیێ دابگرە بۆ دەمێ ١٠ چرکەیان، دەمێ لۆگۆیێ ئایفۆنێ نیشاندا پەنجێ لانەدە هەتا “connect to itunes” دەردکەفیت و پاشی پەنجێ لادە، ب ڤی شێوەی مۆبایلا تە دێ چیتە “recovery mode”ڤە، پاشی ژ بەرنامێ “itunes”دا ویندۆیەکی نیشان ددەت کو نڤێسیە “update” یان “restore”، کلیک بکە لسەر “update” و دێ کێشێ چارەسەر کەت بێ کو چ داتایەک بێتە ژێبرن. ئەگەر ئەو ژی نەهاتە چارەسەر کرن، وی دەمی جارەکا دی قۆناغا دووەم دووبارە بکە، لێ ل شوینا”update” کلیک بکە لسەر “restore”.
ئە.س
تُتاح هذه الصورة أيضا في: کوردی