هاککەر مەسنجەرێ فەیسبوکێ بکاردئینن ژبۆ هاککرنێ
ئێن ئارتى
کەسێن هاککەر دنهادا مەسنجەرێ فەیسبوکێ بکاردئینن ژبۆ کو بکارئینەرێن فەیسبوکێ بێنە خەپاندن و چاڤدێریا کۆمپیۆتەرێن وان بکەن.
مالپەرێ بزنس تایمز د نۆچەیەکێدا بەحسێ دیاردەیەکا نوی یا هاککرنێ کریە کو ئارمانجا وێ دزینا پاسورد و زانیاریێن بکارئینەرانە.
هەرچەندە دنهادا پرانیا خەلکی دزانن کو نابیت کلیک لسەر لینکی نەناسکری بکەن، لێ لگۆری وێ مالپەری کەسێن هاککەر بریێا بکارئانینا زانستێ ئەندازیاریا کۆمەلایەتی، بکارئینەرێن مەسنجەرێ یێن فەیسبوکێ نەچار دکەن کلیکێ لسەر وی لینکی بکەن کو بۆ وانا دهێـتن.
هاککەر دکارن پشتی ڤەکرنا وان لینکان چاڤدێریا براوزەرێ بکارئینەران بکەن و زانیاریان لسەر کۆمبکەن، ل داویێ ژى ئەف زانیاری ژبۆ مەبەستا ریکلام و دەستکەتنا پارەی دێ بکارئانین.
لگۆری شارەزایێن بوارێ هاککرنێ، ئەف جورە یێ هاککرنێ نوی نینە و هەبویە، لێ بکارئینەرێن ڤی شێوەیێ مەسنجەری یێن فەیسبوکی تشتەکێ نویە و نها بەرەف زیدەبونێ چویە، بڤێ ئێکی ژى ئامۆژگاریا هەمیان تێ کرن کو هشیاربن ل دەمی ڤەکرنا هەر لینکەکی کو ب رێیا مەسنجەری بۆ وانا دهێتـن.
ز.ح
تُتاح هذه الصورة أيضا في: کوردی