بۆچی ئالیگرێن داعشێ ل ئەلمانیا كەڤالێن شێوهكارهكێ ئێزدى ژناڤبرن؟
تۆرا لالش يا راگههاندنێ
شیۆەكار قاسم شەرقی دكورتە ددیدارەكێ دا بۆ رۆژنامەیا ئەڤرۆ دیاركر، ل سالا 2015ێ دا وی و هەڤكارێ خۆ یێ شێوەكار “موسافر قاسم” پێشانگەهەكا فۆتۆگرافی ل ژێر ناڤێ “شنگال” ل سەر كارەساتا شنگال ل باژێرێ لینگیدی یێ هانۆڤەرێ ڤەكر،بۆ ماوەیێ چار هەیڤا یە بەردەوام بوو ل مۆزەخانا ” باینی”.
شەرقی گۆتژی هندەك كەسێن ناسنامە نەنیاس رابوون ب ژناڤبرنا كەڤالێن من یێ لۆگۆیێ داعشێ ل سەر بوو د پێشانگەهێ دا،هەروەسان پۆلیس و مۆزەخانە رابوون ب بەلاڤكرنا نووچەی و هەتا نها ژی لێكۆلین دبەردەوامن ل دۆر بوویەرێ و هێشتا ئەنجامدەرێن بوویەرێ نە هاتینە زانینە.
د دووڤ دا گۆت:”ئارمانجا من ژ هۆنەرێ شێوەكاریێ ئەوە شرۆڤەكرنا رۆژێ و سروشتی و واتەیا ژیانێ دكەڤالێن خۆدا دیاركەم ،ئارمانجا من ئەوە پێشانگەهەكا فۆتۆگرافی قوتابخانەیەكا هۆنەری ل ناڤچەیا كەرسێ یا شنگالێ دناڤ قوتابیێن خۆدا ڤەكەم”.
شەرقی دیاركر:”ئێكەم پێشانگەه وی ل سالا 2007 ێ ل شنگالێ ڤەكر و ل سالا 2013 پێشانگەهەك ل ئەلمانیا ڤەكر ل باژیرێ بۆخلت، هەروەسان ل دۆر كارێ داهاتی ژی ل دوماهیا هەیڤا شەش یا ئەڤ سالە ل گەل شێوەكارەكا ئەلمانی و هەڤكارێ خۆیێ شێوەكار ” موسافر قاسم ” دێ پێشانگەهەكا دی ڤەكەین”.
شەرقی ژ دایكبوویێ سالا 1990 یێ كۆمەلگەها خانەسۆرێ سەر ب قەزا شنگالێ ڤە،نها ل ئەلمانیا ئاكنجیە.
تُتاح هذه الصورة أيضا في: کوردی