هاوژین ل لەندەنە
رووداو- هەولێر
فیلمێكی كوردی بەناوی هاوژین لە بەریتانیا بەرهەم دێت كە باس لە كێشەی كۆچبەران لەو وڵاتە دەكات و چەند ئەكتەرێكی بەریتانی و كورد بەشداریی تێدا دەكەن.
سۆران سۆرانی، دەرهێنەر و نووسەری سیناریۆی فیلمەكە باسی ناوەڕۆكی فیلمەكەی كرد و بە (رووداو)ی گوت “فیلمەكە باسی رەوشی كۆچبەران دەكات لە وڵاتانی رۆژئاوا كە ناتوانن دەستبەرداری نەریتەكانی خۆیان ببن و بەپێی یاساكانی ئەو وڵاتانە مامەڵە بكەن”.
فیلمەكە لە نواندنی رزگار كەریم و قەشەنگ عەبدوڵڵا و ئەحمەد تاهیر و نیكۆڵ ڕیس و چەندین ئەكتەری دیكەی كورد و بەریتانییە، ئێستا كاری وێنەگرتن تەواو بووە و مۆنتاژ دەكرێ.
ئەمە چوارەمین فیلمی سۆرانە كە ئێستا لە هۆڵەندا نیشتەجێیە و لە بەریتانیا هونەری سینەما دەخوێنێ.
تُتاح هذه الصورة أيضا في: کوردی