هۆزانڤانەك:پێتڤیە هۆزانڤان ب هەموو دەڤۆكان بنڤیست
تۆرا لالش یا راگەهاندنێ
هۆزانڤانێ گەنج( زێدان كاكۆ) خەلكێ قەزا شنگالێ یە و نهۆ ل كەمپا خانكێ ئاكنجییە دكورتە دیدارەكێ دا بۆ رۆژناما دەنگێ لالش راگەهاند،ژبەر كاودانێت نەخۆش یێن بسەر دەڤەرا مە دا هاتین و هەروەسا كاودانێن كەسۆكی پالدام هۆزانێ بنڤیسیم، هەروەسا ب پێتڤی دبینم هۆزانڤان ب هەموو دەڤۆكان بنڤیست.
كاكۆ دیاركر،دەستپێكا من دهۆزان نڤیسینێ دا ڤەدگەرت بۆ بەریا چار سالان ،ژبەر كاودانێت نەخۆش یێن بسەر دەڤەرا مە دا هاتین و هەروەسا كاودانێن كەسۆكی وەكو حەژیكرنێ پالدام بۆ هۆزان نڤیسینێ ،هەلبەستێ ب هەردوو زمانێن كوردی و ئەرەبی دنڤیسم و بەهرا پتر هۆزانێن ئەڤینی دنڤیسم ئەڤجا چ ژ بۆ ئەڤینا ئاخ و وەلات بت یان ژی ئەڤینا دی،هەروەسا هزر لسەر وێ یەكێ دكەم بەرەف رۆمان نڤیسینێ ژی بچم،هەلبەت ب پێتڤی دبینم هۆزانڤان ب هەموو دەڤۆكان بنڤیست ئەوژی ژ ئەگەرێ ڤێ رەوشا ئەم و وەلاتێ مە ب گشتی تێرا دەرباز دبت ڤێ چەندێ ژ مە داخواز دكت،گۆتژی هەتا نهۆ وی چ كارێن دی دبیاڤێ ئەدەبی دا نەكرینە و چ پەرتۆكێن چاپكری ژی نینن ژبلی هۆزانێن تۆماركری و پر حەز ژ ستران گۆتنێ ژی دكەم.
زێدان كاكۆ خویاكر،ڤەهاندنا هۆزانێ من ئارام و تەنا دكت وەسان ل من دكت كو هەست ب هەبوونا خۆ بكم،لەورا هۆزانێ دڤەهینم ژ هەست و هەناسا خۆ،دیسان مالبات و هەڤالێن من هاریكار و هەڤكار و پشتەڤانێن كارێ منن.
تُتاح هذه الصورة أيضا في: کوردی