ژیانا خێزانەكا نابینا كریە فلم
تۆرا لالش یا راگەهاندنێ 
دەرهێنەرەكێ ئێزدی چیرۆكا راستەقینەیا ژیانا خێزانەكا نابینا یا ئێزدی كریە فلم بناڤێ (Tuch)، فلمێ ناڤبری ل داهاتی دێ پشكداریێ دچەندین ڤیستەڤالان ل وەلاتێ مسرێ و كوێت و هەولێرێ دا كت.
دەرهێنەر “وارمان سەعید” بۆ رۆژناما دەنگێ لالش گۆت:”خێزانەكا دەه كەسی كو شەش ژوان نابینا بوون و دەیك ژی تووشی نەخۆشیەكا گران ببوو،ژ پێخەمەت گەهاندنا ڤی ژانی بۆ جیهانێ بۆ ماوەیەكێ درێژ من كاری فلمەكێ دیكیۆمێنتاری لسەر دروست بكەم، وەك ستافێ فلمی دگەل خێزانێ ژیاینە بڤێ چەندێ گەلەك نێزیكی هەستێن وان بووین و مە زەحمەتی بر ،ژبەركو نابینا بخۆ من وەك ئەكتەر پشكداری پێ كربوون داكو باشتر جیهان ب نامەیا فلمی بگەهت،هەروەسا بڤی فلمی دێ پشكداریێ پێ كەم د ڤیستەڤالێن (كام، عروس البحر) ل وەلاتێ مسرێ ل هەیڤا دوازدەیا بێت و ل وەلاتێ كوێت دگەل یا هەولێرێ ل هەیڤا دوو یا سالا بێت و دگەل چەندین ڤسیتەڤالێن دی،هەر دیسان ب فلمی من پشكداری ڤیستەڤالا دووێ یا سینەمایی یا سلێمانیێ كربوو كو (170)فلم تێدا دپشكداربوون”.
ناڤبری گۆت:”من گەلەك دەرگەه قوتان كو پشتەڤانی ل من بێتە كرن و دبێ ئەنجام بوون ، لێ هەر نەسەكنیم هەتا لسەر بەریكا خۆ من فلم چێكر و سوپاسیا هەركەسی دكەم پشتەڤان بوویی”.
تُتاح هذه الصورة أيضا في: کوردی