هیڤیا وی رێزا ئێكێ ب دەست خۆ ڤە بینت
تۆرا لالش یا راگەهاندنێ
زارۆكێ بەهرەمەند(نەسرەت ئیسماعیل) یێ (12) سالی دەنگەكێ خۆش هەیە،نهۆ ب بەهرەیا ستران گۆتنێ پشكدارە د پرۆگرامێ( Kurdistan Kids voice ) یێ لسەر شاشا كەنالێ پێلیستانك دئێتە پێشكێشكرن،گەهشتیە قۆناغا هەشتێ و هیڤیا وی رێزا ئێكێ ب دەست خۆ ڤە بینت.
نەسرەتی بۆ رۆژناما دەنگێ لالش دیاركر،نهۆ پشكدارم د پرۆگرامێ( Kurdistan Kids Voice)دا و بتنێ ئەم (13) بەهرەمەند یێن ماین و بەهرەیا من ستران گۆتنە و نهۆ گەهشتیمە قۆناغا هەشتێ یا پرۆگرامی، ئەڤجا داخوازا من ژ هەر كەسەكێ حەزا دەنگێ من ل نك هەبت دەنگێ خۆ بدەنە ژمارا من( 114) ب رێیا شاندنا نامەیان،ئاماژەكر بریارە هەر كەسێ ژ مە پرۆگرامی بسەركەفتیانە بجهـ بهێلت دێ دوو كلیپان بۆ دروست كن،زێدەباری وێ چەندێ هەكە هات و گەهشتنە قۆناغێن داویێ دێ پشكداری نێزیكی( 20)كۆنسێرتان بت،ئەگەر رێزا ئێكێ ژی ب دەستخۆڤە نەئینم دێ هەر لسەر كارێ خۆ یێ ستران گۆتنێ بەردەوام بم،چنكو هۆنەر بەردەوامە و چ جاران نا سەكنت.
دا زانین ژی زێدەباری ستران گۆتنێ من بەهرەیێن (دەف و پیانۆ و گیتار و بلور) هەنە.
تُتاح هذه الصورة أيضا في: کوردی