كچەكا شێوەكار:هۆنەری رۆلێ خۆ هەیە بۆ گەهاندنا ئازارێن ئێزدیان
تۆرا لالش یا راگەهاندنێ
كچەكا شێوەكارا ئێزدی دیاركر،كو هۆنەری شێوەكاری بخۆشی و نەخۆشیان ڤە گرێدایە و هۆنەری ب گشتی رۆلێ خۆ هەیە بۆ گەهاندنا ئازارێن ئێزدیان دفەرمانا تووشبووینێ دا،كو دیمەنێن چێبووین ببنە تابلۆ و پیشانی جیهانێ بێنە دان.
كچا شێوەكار(سولین نەریمان) نهۆ قوتابی یە ل قۆناغا دووێ ل كولیژا ئادابێ بەشێ شێوەكاری و ئەنداما تیپا شاریا یا هۆنەری بەشێ میللی یە، دكورتە دیدارەكێ دا بۆ رۆژناما دەنگێ لالش خویاكر،دپێشانگەها سالانە یا كولیژێ دا من پشكداری كریە و تابلۆیەك ژی لسەر فەرمانا شنگالێ چێكریە و هۆنەری ب هەموو جۆرێن خۆ ڤە رۆلەكێ گرنگ دجڤاكی دا هەیە،چنكو هەر ژبەرێ دا و هەتا نهۆ بوویە نوونەراتیا جڤاكێ خۆ و هۆنەری شێوەكاری ژی بخۆشی و نەخۆشیا ڤە گرێدایە،گۆتژی هۆنەری ب گشتی رۆلێ خۆ هەیە بۆ گەهاندنا ئازارێن ئێزدیان دفەرمانا تووشبووینێ دا كو دیمەنێن چێبووین ببنە تابلۆ و پیشانی جیهانێ بێنە دان،داكو هەر كەسەك ب رێیا وان دیمەنان بزانت چ بسەرێ ئێزدیان هاتیە.
لدۆر كارێن داهاتی ئاشكەراكر،چەند پرۆژە من هەنە و پتریا وان سەر ئێش و ئازارێن دجڤاكێ مە دانە ژلایێ ئاوارەبوون و وان تشتێن سەخت یێن بسەر دا هاتین و كوچبەرێن دچنە ئەورۆیا و دەمێ د دەریا ئیجەدا دخەندقن،كو نهۆ تنێ من هزر لسەر هەیە و پاش دێ كەمە تابلۆ و گەر دشیان دا بت دێ پێشانگەهەكێ ڤەكەم و پیشاندەم.
تُتاح هذه الصورة أيضا في: کوردی