فلمەكێ كوردی دێ پشكداریێ د فلمە فیستەڤالا عومان كەت
باسنيوز:
فلمەكێ دیكۆمێنتاری ل دۆری قارەمانیا پێشمەرگەی ب ناڤێ (مرن ل هەمبەر بڕینا وایری) بەرەڤ وەلاتێ عومان برێكەفت بۆ هندێ ل 26/3/2018 پشكداریێ د فلمە فیستەڤالا جیهانی یا مەسقەت بكەت.
سەروەر عەبدوللا، دەرهێنەرێ فلمێ كوردی (مرن ل هەمبەر بڕینا وایری) بۆ (باسنیۆز) ئاشكرا كر، ل دووماهیا ڤێ مەهێ دێ فلمە فیستەڤالا مەسقەت ل وەلاتێ عومان هێتە سازكرن و بۆ ڤێ فلمە فیستەڤالا 500 فلمان بۆ پشكداریێ پێَشكێش كربوو و ب تنێ 36 فلم هاتینە دەستنیشانكرن بۆ پشكداریێ تێدا و فلمێ مە ژی ئێك ژ وان 36 فلمان بوو.
ئاشكرا ژی كر كو د ماوێ دوو سالان مە فلمێ (مرن ل هەمبەر بڕینا وایری) بەرهەمئینایە، فلم بەحسێ تیمەكا قارەمانێن پێشمەرگەی دكەت كو كارێ وان راكرن و پەقاندنا وان مینانە یێن رژێما تیرۆرست داعش ل بەرۆكێن شەری ل بەرامبەر هێزێن پێشمەرگەی داناین و داعش هەمی بزاڤان دكەت وێ تیما پێشمەرگەی ژناڤببەت و گۆت ژی: ئەكتەر و وێنەگرێن مە دو سالان ل گەل پێشمەرگەی كاركریە بۆ هندێ فلم یێ راستگۆیی بیت و ب دیكۆمێنتاری بهێتە تۆماركرن.
دەرهێنەرێ فلمی ئەو یەك ژی دیاركر، فلمێ مە د گەرا یازدێ یا فلمە فیستەڤالێن ئورگوای دا شیا خەلاتێ باشترین فلمێ دكیۆمێنتاری وەربگریت و بەری نها ژی ئەڤ فلمە ل وەلاتێن (ئسپانیا، مەكسیك، ئەمریكا و رۆمانیا) د فلمە فیستەڤالان دا هاتیە پێشاندان و گۆتیشی: ل دووماهیا سالا 2017 فلمێ مە ل فلمە فیستەڤالا پۆلەندا د گەرا 21 دا هێتە نماییشكرن و بەشداركرن و فلمێ مە هاتە هەلبژارتن وەكو باشترین فلمێ دیكۆمێنتاری د ناڤا فیستەڤالێ دا.
تُتاح هذه الصورة أيضا في: کوردی