كلیپەك لسەر داستان و خۆراگریا ئێزدیا د درێژاهیا دیرۆكێ دا هاتە چێكرن
تۆرا لالش یا راگەهاندنێ 
هەلبەستەك لسەر داستان و خۆراگریا مللەتێ ئێزدی د درێژاهیا دیرۆكێ دا،بناڤێ(دیرۆك ئەزم) هاتە كلیپكرن و چێكرن.
هەلبەستڤانێ شنگالێ(خودێدا كرتۆ)بۆ رۆژناما دەنگێ لالش دیاركر، ئەڤ چەندە هەلبەستەك نڤیسی بوو بناڤێ(دیرۆك ئەزم)كو ب دەنگێ من و هەلبەستڤانا كچ لەیلا سەرحان هاتیە گۆتن و ل ستودیۆیا ستێر ل باژێرێ دهۆكێ هاتیە تۆماركرن و ژ وێنەكرن و دەرهێنانا فارس مشكۆیە،نهۆ ئەم مژوولی وێنەكرنێ نە ل چیایێ شنگالێ و دەڤەرێن بسەرڤە و چەندەك ژی دێ ل پارێزگەها دهۆكێ ئێتە وێنەكرن،كو دەربرینێ ژ داستان وخۆراگریا مللەتێ مە یێ ئێزدی دكت د درێژاهیا دیرۆكێ دا هەردەم فەرمان و شەر بەهرا مەبووینە،لێ مە سەرێ خۆ بۆ چ دوژمنان نە چەماندیە و ناچەمینین ژی.
هەروەسا گۆت:ئەڤ كلیپ ل دەمەكی نێزیك دا دێ ئێتە بەلاڤكرن،سوپاسیا هەر كەسەكی دكەم یێ دەستێ هاریكاریێ بۆ من درێژكری.
تُتاح هذه الصورة أيضا في: کوردی