ئەزێ ل تە ڤەگەرم
خێرۆ گرعزێری
دیسانەكێ ب سۆز و پەیمان
ئەزێ ل تە ڤەگەرم شنگالا بریندار
تووی وارێ ئەڤیندار
نالین تێن ژ دل و هناڤا
شنگالا مە داگیركرن
ژ چار ئالیان ڤە هێرش كرن
وارێ من بن دەست و پێ كرن
گرعزێرا من وێران كرن
ئەز ژ گوندێ ئەڤینیێ دوور كرم
گرعزێرا من توو دەرناكەڤی ژ دلێ من
تووی ئەڤینا جانێ من
تووی بلبل ل باغێ من
گرعزێرا من هەی وارێ من
تووی جەرگ و هناڤ و دلێ من
پر كێمە بنڤیسم لسەر تە
هۆزانا چێكم ب ناڤێ تە
عەشقێ بكم ب رەنگێ تە
هەر یێ دوورم ژ سوك و دكانێن تە
نابینم وەلاتێ خۆ
بەلكی ببینم خەونێن خۆ
دا ڤەگەرم ل وارێ خۆ
ل وێ عەشق و ئەڤینا خۆ
دیسانەكێ ب سۆز و پەیمان
ئەزێ ل تە ڤەگەرم شنگالا بریندار
ئەزێ ل تە ڤەگەرم شنگالا بریندار
تُتاح هذه الصورة أيضا في: کوردی