ل ئاستێ عێراقێ وێنەگرەكی ئێزدی پشكداری بەریكانەكا ئەرەبی ل وەلاتێ مەغرەب دبت
تۆرا لالش یا راگەهاندنێ
بەریكانا (الرحالە العرب )ل هەیڤا هەفت یا داهاتی دێ ل وەلاتێ مەغرەب ئێتە ئەنجام دان،كو ل ئاستێ عێراقێ وێنەگرەكی ئێزدی تێدا پشكدارە،پازدە تیپێن وێنەگرێن ئەرەب هەڤركیێ لسەر ب دەست ڤە ئینانا باشترین تیپ دكن.
وێنەگرێ ئێزدی سفیان بەدل ئلیاس یێ بەرنیاس ب (سفیان دلكانی) بۆ دەنگێ لالش دیاركر،پشتی دبەریكانا(الرحالە العرب)ل ئاستێ عێراقێ رێزا ئێكێ ب دەست خۆ ئینای و گەهشتیمە قۆناغا داویێ،هەمان بەریكانە دێ ل وەلاتێ مەغرەب ئێتە ئەنجام دان كو ئەڤە ئێكەم جارە وێنەگرەكی ئێزدی ل بەریكانەكا ل ئاستێ نێڤ دەولەتی و ناڤخۆیی پشكدار دبت،ئارمانجا من نیاسین و گەهاندنا دەنگێ مللەتێ ئێزدی وگەلێ عێراقێ یە بۆ جیهانێ.
زێدەتر گۆت:ئەڤ بەریكانە بەرهەمەكی ئەرەبی جیهانی یە خزمەتا بەرهەمێن وێنەگریا ئەرەبی دكت و دیاركرنا رەوشەنبیری و گەشت و گۆزار و شارستانیا مللەتان وناسكرنا تیتال و داب و نەریتانە،كو تێدا پازدە تیپێن وێنەگرێن ئەرەب هەڤركیێ لسەر ب دەست ڤە ئینانا باشترین تیپ دكن.
دلكانی دازانین ژی ژ سالا(2014)ێ وەرە وەك وێنەگرەكی فۆتۆگرافی و ڤیدیۆیێ كار دكت.
تُتاح هذه الصورة أيضا في: کوردی