ئهڤین حسێن: دانا ئهندامهتییێ ب هۆنهرمهندێن دهڤهرا شنگال د دهستێن مهدا نینه
خانى نيوز:
سهرۆكا تایێ دهۆك یا سهندیكا هونهرمهندێن كوردستانێ راگههاند، گهلهك هۆنهرمهندێن شنگالێ ئهندامێن سهندیكایێ نه، لێ مهرجێ ئهندامبوونێ د سهندیكایێ دا ئهوه كۆ هونهرمهند خوهجهێ دهۆكێ بیت.
ئهڤین حسێن، سهرۆكا تایێ دهۆك یا سهندیكا هونهرمهندێن كوردستانێ بۆ ئاژانسا خانى گۆت: سهندیكا هۆنهرمهندان پهیرهوهكێ تایبهت ههیه، و ل گورهى وى پهیرهوى هۆنهرمهند دشێن ببنه ئهندامێن سهندیكایێ.
گۆت ژى: ئێك ژ مهرجێن ئهندامبوونێ پێدڤییه هۆنهرمهند خوهجهێ باژێرێ دهۆكێ بیت، ژبهركۆ ئهنجومهن داخوازا بهلگهنامان ژ سهندیكایێ دكهت و ئهندامێن چ دهڤهران ل دهڤهرهكا دى ناهێنه وهگرتن. ئهو بهلگهنامه دهێنه رهوانهكرن بۆ ههولێرێ و لیژنهك پێداچوونێ بۆ دكهت و بریارێ ل سهر ددهت. و ئهگهر بهلگهنامه ل دیف پهیرهوێ سهندیكایێ نهبیت، داخواز دهێه رهتكرن.
حسێن دیار ژى كر، پێشتر وان نڤیسارهك ئاراستهى ئهنجومهنى كرییه و تێدا داخوازكرییه كۆ سهندیكایێ نوینهرێ خوه دناڤ هۆنهرمهندێن شنگالێ دا ههبیت بۆ ههمى كارێن هونهرى و چالاكییان و ئهندامهتییێ ب سهندیكایێ ڤه بهێنه گرێدان. لێ ههتا نوكه ئهنجومهنى رازیبوون ل سهر نڤیسارا وان نهدایه.
ودوپاتكر ههر گاڤا رازیبوون هات ئێكسهر دێ پهیوهندى ب وان هێتهكرن ول گورهى وان رێنمایێن ئهنجومهن ددهته وان دێ سهرهدهرى دگهل هێتهكرن.
تُتاح هذه الصورة أيضا في: کوردی