شێوەكارەك:چێكرنا سیمایێ كەسان گەلەك یا ب زەحمەتە
تۆرا لالش:
شێوەكار سەرهات خەلات سەیدۆ،پەیمانگەها هۆنەرێن جوان ب داوی ئینایە و د تەمەنەكێ بچوك دا حەزا وێنەكێشانێ ل جەم وی پەیدابوویە،د دیدارەكێ دا بۆ دەنگێ لالش دیاركر، بتریا وێنێن چێدكەم ناڤ چاڤێن كەسانن و وێنەكێشانا سیمایێ خەلكی گەلەك یا ب زەحمەتە.
سەرهاتی گۆت:د تەمەنێ زارۆكینیێ حەزا وێنەكێشانێ ل جەم وی پەیدابوویە،دەما قوتابی ل قوتابخانێ وێنێن من گەلەك د جوان بوون،مالبات و مامۆستا و هەڤالێن من گەلەك پشتەڤانی یا من كرینە و ئەوان هەردەم پالددام بچمە پەیمانگەها هۆنەرێن جوان نۆكە ئەو پشكە ب داوی ئینایە،وێنێن من بتر د خەیالی و سروشتی نە بەلێ د جیاوازن، لێ بەهرا بتر یا وێنێن چێدكەم ناڤ چاڤێن كەسانن كو وێنە هەیە چار رۆژا یان هەفتیەكێ پێڤە دبم،چنكو وێنەكێشانا ناڤ چاڤان گەلەك ب زەحمەتن.
زێدەتر گۆت:هۆنەر كارەكێ گەلەكێ جوان و سەركەفتیە هەروەسا خۆشیەكێ ددەتە مرۆڤی، ب چێكرنا وێنەیان یان هەر كارەكێ ب هۆنەری ڤە گرێدای یێ جوانە.
ناڤهاتی دا زانین راستە پشتەڤانی بۆ وێنەكێشان نینە،لێ دڤێت مرۆڤ دەستان نەداهێلت چنكو ئەو كەسێ بەهرەیەك ل نك هەبت بلا شیانێن خۆ ب مەزێخت و باوەری ب خۆ هەبت،دیسان پشتەڤانی یا وان بێتە كرن،هەروەسا ل بەرە ل داهاتی دا ببمە دیزاینەرەكێ مەزن.
تُتاح هذه الصورة أيضا في: کوردی