ژێدەرەک: موچە ڤەناگەریتە ئاستێ جاران و پاشەکەفت ژی ناهێتە دان
ئێن ئارتى
ئەڤرۆ ٢٠ێ تەموزا ٢٠١٦، ژێدەرەکی نزیک ژ حکومەتا هەرێما کوردستانێ ژبۆ ئێن ئاڕ تی راگەهاند، موچەێ فەرمانبەران ڤەناگەریتە ئاستێ جاران و سیستەمێ پاشکەفتکرنا موچەی بەردەوام دبیت و ئەو پارەیێ هاتیە پاشەکەفتکرن ب فەرمانبەران ناهێتە دان.
وی ژێدەری ئاماژە ب وێ ئێکێ ژی کر” بەرپرسێن حکومەتا هەرێمێ گەهیشتنە وێ باوەریێ کو بریارا پاشەکەفتکرنا بەشەک ژ موچەیێ فەرمانبەران بریارەکا راست و دروست بویە و دێ لسەر بەردەوام بن و ب هیچ شێوەیەکی دەستکاریێ ناکەن ئەگەر بهایێ نەفتێ پتر ژی بلند بیت”.
راگەهاند ژی” ئەو کوژمێ پارەی کو ژموچەیێ فەرمانبەران هاتیە بڕین و پاشەکەفتکرن ل پاشەرۆژێ ب فەرمانبەران ناهێتە دان و وەک وێ ئێکێ یە ب ئێکجاری ژوان هاتبیتە بڕین”.
دگەل وێ ئێکێ کو ئەف زانیاری ب فەرمی ژئالیێ بەپرسێن حکومەتا هەرێما کوردستانێ ڤە نەهاتیە پشتراست کرن، لێ سێشەمبیا بوری سەرۆکێ حکومەتا هەرێما کوردستانێ راگەهاندبوو” بلندبوونا بهایێ نەفتێ کارتێکرنەکا زۆر لسەر رەوشا دارایی یا هەرێمێ نەبویە و بڤان نزیکان ژی سیستەمێ پاشەکەفتکرنا موچەی ناهێتە دەستکاری کرن.
فەرمانبەر موچەیێ چار سالا بوری وەرنەگرتنە و و ل دەسپێکا ڤێ سالێ حکومەت سیستەمێ پاشەکەفتکرتا موچەی جێبجێ دکەت کو لگۆری وی سیستمی رێژەیەک ژ موچەیێ فەرمانبەران دهێتە پاشەکەفتکرن، ئەڤە زێدەباری دەرباز بوونا ٢٠ رۆژا ژمەها حەفت هەیانها فەرمانبەر موچەیێ مەها شەش وەرنەگرتنە .
تُتاح هذه الصورة أيضا في: کوردی