فهرماندهكێ ئیرانێ دێ سهرپهرشتیا شهرێ رزگاركرنا مووسل كهت
ئهڤرۆ نیوز:
سهركردهكێ میلیشیاتێن حهشدا شهعبی راگههاند كو فهرماندێ سۆپایێ قودسا ئیرانی و فهرماندێ هێزێن عیراقیان دێ پشكداریێ د ئۆپهراسیۆنا رزگاركرنا مووسل دا كهن.
باژێرێ مووسل ل ناڤهندا پارێزگهها نهینهوا ل ههیڤا خزیرانا 2014ێ و پشتی شكهستنا سۆپایێ عیراقێ ژ لایێ چهكدارێن داعش ڤه هاته داگیركرن بێی كو حوكمهتا عیراقێ چو بهرهڤانیهكێ ژ خوه بكهت.
ئهحمهد ئهلئهسهدی، ئاخفتنكهرێ ب ناڤێ میلیشیاتێن حهشدا شهعبی تهكست ل سهر پشكداریا میلیشیاتان د رزگاركرنا مووسل دا كر و راگههاند كو قاسم سولهیمانی، فهرماندنێ سۆپایێ قودسا ئیرانی دێ فهرماندهیا ئۆپهراسیۆنێ كهت.
بهری نوكه رۆژناما “الشرق الاوسگ” راگههاند بوو كو سۆپایێ ئیرانێ بنكهیهكێ مهشق و راهێنانێ د سنورێ ناڤبهرا رۆژههلاتێ كوردستانێ و سلێمانیێ دا ههیه و ل وێ دهڤهرێ مهشقێ ب لهشكرێ حهشدا شهعبی و یێن شیعه مهزههب دكهت.
پهرلهمانتارهكێ عیراقی ژی بۆ رۆژناما “الشرق الاوسگ” راگههاند كو قاسم سولهیمانی ل خالا سنوری یا مونزهریه ل خانهقین ب چهندین ترۆمبێلێن بلند هاته ناڤ ئاخا عیراقێ، “ب مهرهما پشكداریكرن د ئۆپهراسیۆنا رزگاركرنا مووسل دا”.
تُتاح هذه الصورة أيضا في: کوردی