ئامارا شه‌ر و پێكدانێن حه‌سه‌كه دئێته ئاشكه‌راكرن
K24 – هه‌ولێر
زیانی گیانی شه‌ڕ و پێكدادانی دوێنێ له نێوان ئاسایشی رۆژئاوا و هیزی به‌رگری نه‌ته‌وه‌یی سه‌ر به ریژیمی سوریا له شاری حه‌سه‌كه ئاشكرا ده‌كرێت.
په‌یامنێری كوردستان24 رایگه‌یاند پێنج سه‌ربازی ریژیم له شه‌ڕی حه‌سه‌كه كوژراون و بیست و دوو كه‌سیش برینداربوونه كه چوار له‌وان ئه‌ندامی ئاسایشن.
شه‌ڕ و پێكدادانی نێوان ئاسایشی رۆژئاوای كوردستان و هێزه‌كانی ریژیم له شاری حه‌سه‌كه به‌ره‌به‌یانی رۆژی سێشه‌ممه ده‌ستیپێكردبوو، كه چه‌كی قۆرس و نیوه قۆرس له شه‌ڕه‌كه‌دا به‌كارهاتووه. چه‌ندین تۆپ له گه‌ڕه‌كه جیاوازه‌كانی شاره‌كه كه‌وتوونه‌ته خواره‌وه و بازاری شاره‌كه‌شی داخرا.
به‌پێی ئاماره‌كانی شه‌ڕی دوێنێ، پێنج سه‌ربازی ریژیم كوژراون، هه‌ژده هاووڵاتی و چوار ئه‌ندامی ئاسایش برینداربوونه.
به‌شێك له شاری حه‌سه‌كه له ژێر ده‌سه‌ڵاتی به‌ڕێوه‌به‌رایه‌تی خۆسه‌ری دایه كه كۆنترۆڵی له‌ژیر ئاسایشی رۆژئاوا دایه و به‌شه‌كه‌ی تر له ژێر ده‌سه‌ڵاتی هیزه‌كانی ریژیمی به‌شار ئه‌سه‌د دایه.
جاروبار شه‌ڕو پێكدادان له‌نێوان هه‌ردوو رووده‌دات، به‌ڵام له شه‌ڕه‌كه‌ی دوێنێ یه‌كه‌مجار بوو كه چه‌كی قۆڕس به‌كار بهێنرێت.
تُتاح هذه الصورة أيضا في: کوردی