خەلکێ ھەرێمێ پتری 83%ێ دەنگ ب بەلێ دایه سەرخوەبوونا کوردستانێ
وار
د راپرسیەکێ دا ل سەر ئاستێ ھەر چوار پارێزگەھێن ھەرێما کوردستانێ، ب رێژەیت پتر ژ ھەشتێ و سێ ژ سەدێ یا پشکداران دەنگ ب بەلێ بۆ سەرخوەبوونا کوردستانێ دایە.
سەنتەرێ ئاشتی و ئاسایشا مرۆڤاتی یا زانکۆیا ئەمریکی ل کوردستانێ راپرسیەک ل سەر ئاستێ ھەر چوار پارێزگەھێن کوردستانێ ل دۆر سەرخوەبوونا کوردستانێ ئەنجام دایە، ب ڤێ چەندێ ژی چار ھزار و دوسەد کەسان پشکداری تێدا کریە.
لدووڤ ئەنجامێن راپرسیێ ب رێژەیا ھەشتێ و شەش پۆینت نەھـ ژ سەدێ ژ خەلکێ ھەولێرێ دەنگ ب بەلێ بۆ سەرخوەبوونێ دایە، ل دھۆکێ ژی ب رێژەیا نۆت و حەفت پۆینت پێنج ژ سەدێ، خەلکێ وێ دەنگ ب بەلێ بۆ سەرخوەبوونێ دایە، ل پارێزگەھا ھەلەبجە ژی ب رێژەیا ھەشتێ و دو پۆینت نەھـ ژ سەدێ دەنگ ب بەلێ بۆ سەرخوەبوونێ دایە، خەلکێ سلێمانیێ ژی د ڤێ راپرسیێ دا کێمترین رێژە تۆمارکریە کو تنێ شێست و حەفت ژ سەدێ یا پشکداران ژ خەلکێ وێ دەنگ ب بەلێ بۆ سەرخوەبوونا کوردستانێ دایە.
تُتاح هذه الصورة أيضا في: کوردی