سەیدۆ چەتۆ:هەموو ئامادەكارى بۆ رزگاركرنا مووسلێ هاتينە كرن
باسنيۆز:
سەرۆكێ كوتلا برایەتی و پێكڤە ژیانێ ل جڤاتا پارێزگەها مووسلێ دیاركر، هەڤكاری دگەل حوكمەتا هەرێما كوردستانێ هاتیە كرن بۆ شەرێ رزگاركرنا مووسلێ، نوكە هەموو بەرهەڤێ دووماهیی هاتینە بۆ پێشوازیكرن ل ئاوارەیێن مووسلێ چەندێن لیژنە هاتنە پێكئێنان.
سەیدۆ چەتۆ، سەرۆكێ كوتلا برایەتیی و پێكڤە ژیانی ل جڤاتا پارێزگەها مووسلێ بۆ (باسنیوز) دیاركر دگەل بۆرینا وەختی دەمژمیر سفر بۆ رزگاركرنا مووسلێ یا نێزیك دبیت و ئەمریكا یا رژدە د وەختەكێ نێزیكدا دەست ب رزگاركرنا مووسلێ بكەت، وپێشمەرگەی كوردستانێ ژی دێ رۆلەكێ سەرەكی د رزگاركرنا مووسلێ دا هەبیت، هەڤكاری دگەل حوكمەتا هەرێما كوردستانێ هاتینە كرن بۆ شەری رزگاركرنا مووسلێ .
سەیدۆ چەتۆ خۆیا ژی كر كو دیارنینە كا دێ خەلك ئاوارە بن ژ مووسلێ یان نە لێ بەرهەڤێن باش یێن هاتێنە كرن بۆ وی چەندێ دەمێ شەری رزگاركرنا مووسلێ دەست پێ دكەت پێشوازی ل ئاوارە بهێتە كرن چەندێن خێڤەت یێن هاتێنە دابینكرن دێ ل دەڤەرێن رزگاركری هێنە دانان بۆ ڤەحەواندنا ئاواران ، زێدەباری دروستكرنا كەمپان ل دەڤەرێن رزگاركری.
زێدەتر گۆتژی:” چەندێن لیژنە دگەل جڤاتا پارێزگەها مووسلێ یێن هاتێنە پێك ئینان بۆ سەرپەرشتیی و ئامادەكاریێن پێشوازیكرن ل ئاواران نوكە هەموو بەرهەڤیێن دووماهیێ هاتێنە تنی ئەم چاڤەری دەستپێكرنا رزگاركرنا مووسلێ دكەن”.
تُتاح هذه الصورة أيضا في: کوردی