فرەنسا دێ ب 36 فرۆکەیان پشکداری رزگارکرنا مووسلێ بیت
waar – دهوك :
بەرپرسێن سەربازیێن حکومەتا فرەنسا راگەھاند؛ فرەنسا دێ ب سیھـ و شەش فرۆکەیان پشکداریێ د ئۆپەراسیۆنا رزگارکرنا مووسلێ دا کەت، ل حەفتییا بۆری ژی فرۆکەیێن شەرکەرێن فرەنسایێ سیھـ و دو جاران بنگەھێن داعشێ تۆپبارانکرن.
سازیێن مەدیایێ ژ زاردەڤێ بەرپرسێن سەربازی یێن فرەنسایێ بەلاڤکریە، کەشتا فرۆکە ھەلگرا دیگۆل بیست و چار فرۆکەیێن رافال ھەلگرتینە، کو رۆلێ دیار د تۆپبارانکرنا بنگەھێن داعشێ دا ھەبوویە، ھەروەسا د گەل دوازدە فرۆکەیێن دی ل ئۆردن و ئیماراتێ دا جھگێرکرینە بۆ تۆپبارانکرنا داعشێ.
ھەروەسا دایە زانین، کەشتییا دیگول گەھشتیە دەریا ناڤەراست و ڤەگراندنا وێ ژی ھەڤەدەمە دگەل ژڤانێ دەستپێکرنا ئۆپەراسیۆنا رزگارکرنا مووسلێ.
تُتاح هذه الصورة أيضا في: کوردی