مهترسیا بیڤهلهرزان یا ل سهر ههرێما كوردستانێ ههی
ئهڤرۆ نیوز:
جیولوجیەکێ زانکۆیا دھۆکێ دیارکر، ئەڤرۆ 13/10/2016 پتریا دەولەتێن جیھانێ رۆژا کارەساتێن جیھانێ دھێتە ساخکرن و پلان دھێنە دانان بۆ بەرھەنگاریا ھشکەسالیێ و بیفەلەرزان و لەھیێن باران و گوھورینا سەقای ب گشتیی، گەلەک گرنگە ھەرێما کوردستانێ ژێ رێڤەبەریا گشتیی کارەساتان بھێتە دانان، چونکو ئەم ژی تووشی مەترسیا بیفەلەرزان بووینە.
جیولوجی رەمەزان حەمزە ماموستایی زانکۆیا دھۆکێ بۆ ئەڤرۆ دیارکر ل ھەرێما کوردستانێ سال ل دووڤ سالێ مەترسیا بیفەلەرزان زێدەتر دبیت، ژ بەر ئاڤاکرنا ئاڤاھیێن بلند و زێدەبوونا ژمارا ترۆمبێلان و لێدانا بێرین بن ئەردی ب کوراتیا سێ ھزار مەتران، گەلەک گرنگە حکومەتا ھەرێما کوردستانێ رازی نەبیت ئاڤاھیێن بلند بێ رازەمەندیا کودێ بیفەلەرزان بھێنە دروستکرن ھەر ئاڤاھیەکێ ژ چار قاتی زێدەتر بھێتە ئاڤاکرن پێدڤیە ڤەکۆلینا بیفەلەرزان بۆ وێ ئاڤاھیێ بھێتە کرن پاشی مۆلەت پێ بھێتە دان بۆ وێ چەندێ دەمێ بیفەلەرز دروست دبن مەترسی نەبیت ل سەر کەڤتنا وی ئاڤاھی ژ چوار قاتی زێدەتر ھاتیە ئاڤاکرن.
رەمەزان حەمزە ئاشکرا کر، دێ گەلەک لەھی دروست بن رەنگە ل ھندەک دەڤەران خانیان خراب بکەت دێ لەھێین بارانێ گەلەک ئاخێ و کەفران دگەل خوە ئینن، لێ دبیت ئەڤ لەھیێن بارانێ ژ ھەرێما کوردستانێ نەگرن و دێ پتر وەلاتێ فەلەستین و ئوردن ڤەگرن، دبیت ژبەر لەھیێن باران گەلەک زیان بگەھنە وەلاتێن ڤان دەولەتان ل کوردستانێ ژێ مەترسی ھەیە، لێ نەشێن بێژین دێ لەھیێن مەزن ھەبن و دێ زیانی گەھیننە خەلکی، ئەم داخواز دکەین پلانێن توکمەن بھێنە دانان بۆ پاراستنا گیان و سامانی وەلاتیان.
تُتاح هذه الصورة أيضا في: کوردی