ئیدارا نوو یا ئه‌مریكا پشته‌ڤانیا خوه بۆ گه‌لێ كوردستانێ و پێشمه‌رگه‌ی دووپات كر
ئه‌ڤرۆ نیوز:
مایك پێنس جێگرێ سه‌رۆكێ هه‌لبژارتیێ ئه‌مریكا ب رێیا تله‌فونێ په‌یوه‌ندی ب سه‌رۆك بارزانی كر و پشته‌ڤانیا ئیدارا نوو یا ئه‌مریكا بۆ گه‌لێ كوردستانێ و پێشمه‌رگه‌ی دووپات كر.
جێگرێ سه‌رۆكێ هه‌لبژارتی یێ ئه‌مریكا سه‌ره‌رای ئاماژه دان ب وێ یه‌كێ كو به‌ری نوكه سه‌ره‌دانا هه‌رێما كوردستانێ كریه، رێز بۆ خه‌باتا گه‌لێ كوردستانێ و قوربانیدانا هێزا پێشمه‌رگه‌ی هه‌بوو و په‌سنا رۆلێ پێشمه‌رگه‌ی كر د شكاندنا تیرورستان و رژدی ل وێ یه‌كێ كر كو سه‌رۆكێ هه‌لبژارتی و ئه‌و ب خوه و ئیدارا نوو یا ئه‌مریكا پشته‌ڤانیا گه‌لێ كوردستانێ و پێشمه‌رگه‌ی كرن.
د هه‌مبه‌ر دا، سه‌رۆك بارزانی پیرۆزبایێن خوه ئاراسته‌ی سه‌رۆك و جێگرێ سه‌رۆكێ هه‌لبژارتیێ ئه‌مریكا كر ب هه‌لكه‌فتا سه‌ركه‌فتنا وان د هه‌لبژارتنێن ئه‌مریكا دا و سوپاسیا تره‌مپ كر كو د هه‌لمه‌تا هه‌لبژارتنان دا پشته‌ڤانیا خوه بۆ گه‌لێ كوردستانێ راگه‌هاندی.
تُتاح هذه الصورة أيضا في: کوردی