مەسروور بارزانی: کورد ب زۆری کرینە ئیراقی و ژبەر ئیراقیبوونێ دھێنە سزادان
waar – دهۆک:
شیرەتکارێ جڤاتا ئاساییشا ھەرێما کوردستانێ ل دۆر بریارا سەرۆکێ ئەمریکا بۆ نەدانا ڤیزێ بۆ وەلاتیێن ھەرێمێ و ئیراقێ راگەھاند؛ کورد باجا ئیراقیبوونێ ددەن، کورد ب زۆری کرینە ئیراقی و ژبەر ئیراقیبوونێ دھێنە سزادان.
مەسروور بارزانی، وەکو ئاماژەیەک بۆ بزاڤێن بەردەوام بۆ سەرخوەبوونا کوردستانێ راگەھاند؛ کورد ب مانا خوە د ئیراقێ دا ھاتنە سزادان، ئەو ھێزا پترییا قوربانییان د شەڕێ دژی تیرۆرێ دا دای و نێزیکترین ھەڤپەیمانێ ئەمریکا، باجا مانا خوە د ئیراقێ دا د دەن.
مەسروور بارزانی بۆ رۆژنامەیا بەزفید یا ئەلکترۆنی یا ئەمریکی راگەھاندییه؛ پێشمەرگە تاکە ھێزە شەڕێ داعشێ دکەت، تا نھا ژی مل ب ملێ ئەمریکا د سەنگەران دا شەڕێ ھەمان دوژمن دکەت و گۆت: یا دروست نینە دەولەتەک یان نەتەوەیەک باجا شاشییێن چەند کەسهكان بدەت.
شیرەتکارێ جڤاتا ئاساییشێ گۆت ژی: د شەرێ دژی داعشێ دا پێشمەرگە ھەڤپەیمانێن سەرەکی یێن ئەمریکانە، بۆ وان نەخۆشە ژی ئەو ئێخستینە د چارچووڤێ بریارا سەرۆکێ ئەمریکا یا نەدانا ڤیزێ. دا
تُتاح هذه الصورة أيضا في: کوردی