قوباد تالهبانی: 900 هزار كهسان ناڤێن خوه د سیستهمێ بایۆمهتری دا تۆماركرینه
WAAR – دهۆک:
جێگرێ سهرۆكوهزیرێن ههرێما كوردستانێ راگههاند؛ تا نها 900 هزار كهسان، ناڤێن خوه د سیستهمێ بایۆمهتری یێ مووچهیان دا، تۆماركرینه.
قوباد تالهبانی جێگرێ سهرۆكوهزیرێن ههرێمێ، د تۆرا جڤاكییا فهیسبووكێ دا، بهلاڤكرییه كو خۆ تۆماركرن د سیستهمێ بایۆمهتری یێ مووچهیان دا بهردهوامه و تا نها 900 هزار كهسان ناڤێن خوه تۆماركرینه و ئهو پرۆسه دناڤا هێزێن پێشمهرگهی ژی دا، دهستپێكرییه.
گۆت ژی: سیستهمێ بایۆمهتری یێ مووچهیان، رێ نادهت مووچهخۆرێن بن دیوار بمینن و پشتی ب داوی هاتنا وێ پرۆسێ، دێ مووچهخۆرێن راستهقینه دیاربن و ئهركێ ل سهر ملێن حكومهتێ سڤكتر بیت.
تُتاح هذه الصورة أيضا في: کوردی